،
.

كيفكم و علومكم:m18asmilies-com:
وش فيكم مسمرين كذا من الشموس < امزح امزح :uytutuj:
حليانين اشوف ما شاء الله :eek:
اسال الله تكونون بخير و عافيه ًً
و ان يعطيكم من الخير و السعاده حتى يرضيكم..

وش تبون نسولف
هاتوا العلوم :q9:

و إلا تعالوا و قربوا
بقول لكم سر بس عاد لا احد يدري
خصوص انتم ي الزوار يا ويلكم لو تعلمون ..

السر اللي بقوله لكم
تدرون ان اغلب سوالفي و كتاباتي < سامعكم ترى تقولون ارحمنا يا كتاباتي وش عنده مهندس الكلمه

إلا تعالوا ثاني مره في سالفه باخذ رايكم فيها ..
وش رايكم بالأشخاص اللي يوم يتواصلون معك بالجوال يجلسون يتكلمون و يسولفون بالساعه و الساعتين لدرجه كل شوي تناظر بالجوال تقول ذا متى بيسكت ..
لكن إذا قابلتهم وجه لوجه بمكان و إلا مقهى ..
ما يقولون كلمتين على بعض ..
أنا ادري بسم الله علي و الله يحفظني ..
اني تغذيه بصريه و يتآملون بملامحي ..:ff1 (44):
بس عاد ما هو لذا الدرجه ..
ترى بعدين حتى أنا استحي و اسكت ..:yellow:
و تصير الجلسه كلها سكوت
و عالي السكوت ما أسمعك < مالها دخل ادري بس جات على بالي

المهم من جد كيف تتعاملون معاهم
طيب وينه ذاك اللي من الجوال ما يسكت و سالفه ورى سالفه و علوم
ليه تتغير شخصيته :araya:

و ادري تقولون طيب و السر وش صار عليه :
ما راح اعلمكم عشان تعرفون تتنمرون علي تحسبون نسيت اجل يا مهندس الكلمه :16:

و ما اطول عليكم
و المايك معاكم انطلقوا :m18asmilies-com:

،
.

،
.


تتذكرون سالفة الحنين يوم يجيب الاشواق و الذكريات و يروح < اللي ما شافها يحصلها يا بالصفحة اللي قبل و الا فوق ما فيني اطلع و اشوف مكانها :w6w2005041122105666

المهم ذا المره حشرت الحنين قبل ما يروح :h51:

طيب بما اننا الحين اربعه:
انا و الحنين و الشوق و الذكريات
ودكم نقلبها بلوت و الا نسولف ..:m6asmilies-com:

ودكم نسولف:
نسولف ليه لا :a11:

و دام كذا انا بطرح عليكم سؤال ي الثلاث
من اقوى واحد فيكم !؟

وش فيكم تناظرون فبعض جابوا :h73:

اشوف الحنين بعيونه حكي المايك معك :
بقول بكل تاكيد انا الاقوى
بقولكم ليه :
لاني انا اللي اجيك فجأه و اقفز من فوق اسوار النسيان و لا كأني اشوفها ..
ما تدري الا انا مطبح عليك لا احم و لا دستور ..

اشوفكم ساكتين ي الذكريات و الاشواق ..
يعني تأيدون كلامه ..
ايه ايه و هو صادق ..
لاني انا يا الذكريات ما اجي الا من بعده..
هو اللي يفتح لي الابواب ..
و انا ثاني واحد بالقوه ..
و بعدي تجي الاشواق ..
لان رياحي هي من تشعل نارها ..

و يكون الختام مع الاشواق اللي تهد حيلك و ما تتركك الا و انت تجر ااااااه ورى اااااه ..:61:

و يلفت نظرنا كلنا شي بالزاويه منكفي على نفسه ..:h51:

الا و هو : النوم ..
ليه ما تجي تشاركنا ..
اسف مع وجود ذا الثلاث مالي مكان و لا اشعر معهم ب الامان ..
طيب طيب لا تبعد
بحاول اصرفهم مع انهم انهكوني و ليت احصل عندك لي علاج ..:confused:

و الحين المايك معكم هل تتفقون مع من الاقوى و الا لكم راي اخر ..:sm256:

،
.



#بوح_اخر_الليل : هذيان!!
‏ تطلع الشمس ..
‏تقرأه!!
‏الحيره على وجهك تبان!؟
‏تتسأل!!
‏هذا انا!؟
‏ايه .. ايه..
‏لكن :
‏تحت تأثير شعور بلا عنوان!!

،
.

،
.



#جبر_خاطر:

يمكن يكون بفعل و يمكن يكون بكلمه و يمكن يكون ابتسامه ..
‏لا تستصغر شي يكون في مجال انك تقدمه..
‏ما تدري يمكن تكون سبب في تغير حال انسان حتى دون ان تشعر ..

.
.

‏جبر الخواطر..
‏يكفي:
‏لو ما تقدم ..
‏الا مجرد احساس..
‏انك معه و لاحزانه تشاطر//


،
.

،
.


صباح خفيف لطيف ظريف لكم..:q7:

اقربوا حول الضو تدفوا
< اسمعكم تقولون دافيه بحفاوتك و سوالفك:f26:

جايب لكم مكسرات اليوم
اشربوا من المكسرات و كلوا الشاهي < واضحه البدايه :49:

اليوم سالفتنا ي الوجيه الطيبه:

عن القبول ..:a 120:

القبول بين الناس رزق و نعمة عظيمه للي يكتبه له الله..

اذا جيت مكان تشوف كيف الناس تفز لك
و ترحب و تهلي و تبتسم لحضورك ..
القبول من الله..
بعض الناس من تشوفه سبحان الله تحس له بقبول
ما كأنك تقابله لاول مره ..
و بعد ما تشوف اطباعه كيف ..
من اخلاق و ذوق و ذرابه و اسلوب و تعامل و منطوق ..
ما تستغرب من القبول اللي شعرت له فيه من اول ما قابلته ..
و ذا الامر يؤكد لك ان القبول ما يجي من فراغ..

و القبول يعطيك شعور و لا اروع ..
انك جالس تقدم للناس ..
صوره و انطباع جميل عنك ..
و تشوف مردوده منهم بعينك و تحسه من المشاعر اللي تحاط فيها:ff1 (153):

و بعض الناس..
تلقاه يسوي و يسوي و يراكض يمين و يسار..
و يمكن يقدم اشياء ما تخطر ع البال..
من اجل انه يحصل على القبول لكن ما الله يكتبه له..

بعض الناس بمجرد اتصال و الا سوالف بمحادثه قادر انه يشرح خاطرك و له قبول حتى لو ما تشوفه..

و بعض الناس يكون معك بنفس المكان و لا يحرك فيك ساكن وجوده زي عدمه ..

خلك على طبيعتك لان التصنع مع الايام راح ينكشف:ukkk:


و خلصت سالفتنا و ودي امشي < امسكوا فيني عاد حسسوني ان لي قبول و الا صح انا بمدونتي المفروض انا امسك فيكم هههههههههههههه


اسال الله ان يكتب لي و لكم القبول و المحبه بين ملائكته و عباده

و المايك معاكم < عاد من امس حاطه بالشاحن و الشحن فل عشان اللي يقولون دايم المايك طافي شحن :h68:


،
.

.
'


اجمل اشيائي يتصل بك //
هنا:
كأن السعاده فيني متصله..
انا:
قلبي و المشاعر كلنا لك//
كل شي حلو : فيك محصله..

،
.

.
،


صباحكم ابتسامه ترتسم على كل اوقاتكم :q4:


الا ع طاري الابتسامه خلوني اعلمكم ذا السالفه< اخلص علينا يا كثر هذرتك:90:




هذا سلمكم الله ..
نزلت السوق بأخذ لي غرض
و يوم دخلت المحل اللي ابيه
اول ما دخلت ابتسمت و سلمت
و جاني الموظف و رد السلام و الابتسامه< ركزوا بالابتسامه ترى كل السالفه عليها :sm261:

و حسيت في شي غريب من ردة فعله :m16asmilies-com:

الا و هو يقول :
تصدق اني نسيت متى اخر مره دخل علي زبون يبتسم

عاد و انا اصرف له ابتسامه ثانيه :q4:
و اروح اخذ الغرض اللي ابيه
و يوم جيت احاسب و قالي السعر
انا عاد اللي استغربت هنا :m16asmilies-com:

لان اعطاني سعر مخفض بالمره
اقرب انه يكون سعر رمزي < متعوب على ذا الكلمه :90:
و قلت له مو معقوله ذا السعر
احس انك بايعني بخساره
قال ابد ما في اي خساره يكفي الابتسامه اللي دخلت المحل فيها
< ادري بتعرفون الغرض اللي اشتريت
لكن خلكم لن اشبع فضولكم :tyyuuy:


المهم عاد من بعدها صرت قبل انزل اي محل
من السياره اكون مبتسم :ff1 (52):

و مرات تزبط و مرات تزحلطن :36_22_23[1]:

و انتم عاد اعتمدوا الابتسامه
لكن ما ادري عندكم زي ابتسامتي الساحره و الا من جنبها :h70:

و بجد عاد
وش بيخسر الواحد لو ابتسم حتى انه بيكسب اجر
يعني و بشي بسيط ..
و اعتبره تمرين لعضلات الوجه بدل الكشره اللي تسد النفس :60:

و يلااااا كلكم كذا اعطوني ابتسامه قبل ما تطلعون < بس ترى ما عندي شي اسوي لكم عليه تخفيض:384a:

و الحقيقه :
ان تواجدكم يرسم على وجه المدونه ابتسامه عميقه :13:

.
.

.
،


ليل .. سهر .. حنين و برد!!
‏باب الذكريات !؟
‏ينفتح ما ينرد:
‏تمر كل الذكريات اشواك!!
‏الا ذكرياتك انت ورد ()


،
.