‏اسج عن طاريك من حين لاحين
‏والصدر من شوقي لشوفك يفوحي

‏مانساك لو مرت على فقدك سنين
‏شوفك منى قلبي وغاية طموحي

‏ياللي تدّور في قفانا عذاريب
‏ عمر الردي على الردى ماحدانا

‏لاصرت ماتقدر تنافس على الطيب
‏مهوب عيبٍ منك تمشي ورانا

هاتِ الخبر منك ولافيه نقصان
عطني علومك ياهوى البال بدري

أما اتفق وياي ونصير خلان
والا تروح وضيقتي وسط صدري

من يعز النفس مايصبح ذليل
والردي الوقت يكشف لكـ رداه

ماتحسفنااا على فعل الجميل
نعتبرها في الردي مثل الزكاه

‏بعض العقول اخف من ريش النعام
‏واصحابها فيما تفكـر .. راضيه
‏.
‏ياسرع ما تكفخ ورى سرب الحمام
‏اجسام اوادم .. والجماجم فاضيه

ارجوك ابعد . ابعد ياصاحب القلب الحديد
ترى روحي ما بقت فيها غير باقي فتــاتي

يضيق صدري وأقول ان الأمل بكره
واللي خلق هالبشر ما هو مخليها
محتاج لوجيه ما تحقد ولا تكره
والا القلوب الله اعلم في خوافيها!

رميت وجهي على كتفك شوي وغفيت
والغفوة . اللي ثواني فوق كتفك عمر

لو إنك من أول الدنيا معي، ماشكيت
ما . . فاتنا نستحقّه، بس ما الله أمر

ياصباح الخير يازهر الفياض الزافي
نفحته ماتنوجد في متجر العطّارة

علّه البارح مطر واليوم جوّه صافي
خالطٍ ريح الخزامى ، والنفل نوّاره

أبــوح لك بالشوق والشوق ممنوع
وأهتف بإسمك بين نفسي وبيني

رغـم الوصل ما بيننا شبه مقطوع
عـنـدي أمـل القاك وروي حنيني

هذا أنا في كل يوم أبدا بطيفك وأنتهي به
وكل ليل أموت في مبريّ عودك وأحيا به

معك يربطني شعور المؤمن لمكّة وطيبة
لو ما يربطني معك حبل العنّوة والقرابة

احيا على قربك و صوتك و طاريك
ودي بشوفك كل لحظه قبالي

ودي احطك في عيوني و اغطيك
و ودي انا اللي اشوفك لحالي

كل البشر حبهم قطره غلاااا وميوول
حـــــبكـ بحر وش تجـي عند البـحر قطره

تراني منتظر ترجع .. ولو طـال انتظـاري شيـن
اخاف انالجروح تزيـد .. ولا لـي مـن مداويـه

القليل الى عن الناس يغنيك
يسوى الكثير الى عليهم يحدك

تدري إني أحـبك ومن قلبي أبيّك
لكن حظـوظي لك .. غدت بخيلة

كانك تدق القلب .. دقك على الدف

عسى الضلوع توقي القلب لا طاح

شفتك .. ولا ادري من قضب بعدك الصف

ناس ٍ كثير .. وكنهم عندي أشباح