ينزع الحر .. للعالي المنيف

عادة الحر .. لطام يعاف

ذلني الشوق يالقاسي اللطيف

ولحظة الوصل .. من صدك تخاف

انا قلبي .. جناحٍ له رفيف

يتبع الشمس في الريح الصلاف

للوعد جيت من لون الخريف

وللوعد جيت من طعم الجفاف

‏علمني إن الشعور اللي لغيري حرام
‏ولا تغير مكاني و أختلف موضعي

‏أتعبني الخوف و التفكير و الأهتمام
‏قل للظنون تطمني و أيقني و أسمعي

‏علمني إني بصدرك .. رغم كل الزحام
‏وحدي تسيّدت في قلبك و قلبك معي !

لا تقنع النـاس بـاسلوبك وبـ أخلاقك
الحب ، و الكره ، والتوفيق .. من ربك

سهل انك تحب ناس من اخر اعماقك
لكن من الصعب تجبرهم على حبك

‏

حطيت قلبي بين راحة كفوفك
وعطيتني كرت الموادع بيمناك

القلب بيتك والمشاعر ضيوفك
لا تبخل بصوتك وطلة محياك

أنا و الله إني ارحمّك رحمة المسكين
تشب الشبوب وتحرق ايامك بنارك

مهمّل حياتك باهتمامك بكرهي لين
قضيت الحياه تسولف أخباري أخبارك

كليم القفى وينك وانا عن كلامك وين
تبي تموت مارد الصدى صوت مزمارك

أعَرف اجرحك جرح يوسّم ليوم الدين
ولكن شرف عداوتي فوق مقدارك

‏لاتعوّد ذكرياتك على شخص و مكان
‏و كل حاجه ترتبط بـ المحبّه كبّها

‏لا تبالغ فـ التعلق ترى طبع الزمان
‏يسرق الحاجه ع كثر ما أنت تحبّها ".

يا عاذلي .. ما تشوف العين مشتاقة

لولا الحيا جاوبتك بدمعها الصافي

عطني جلد .. كان تنخاني على فراقه

ودي الي من تركته ما أشبح خلافي

لاح الجبين .. وجذبني نوض براقه

حيثه ربيعي .. وورد الخد مصيافي

والغصن لولا المطر ما أخضرت أوراقه

يا كيف عشب الوسم يترك وينعافي

خسرتك .. وصبري عنك ماكان بالامكان
لا زالت حياتي في مواصلك مرهونه

أجامل بعض الاحيان وأزعل بعض الاحيان
وأعيش الصراع الذاتي اللي يقولونه

ارتاح عسى همومك تزول عن صدرك
وتزول معها الأوهام اللي ضيقة خناقه

وأنا معك مهما غبت تراني تحت أمرك
مثل المطر كل ما غاب زاد اشتياقه

أحبك كبر الشتاء وكثر ما أشعل جمرك
وكبر ما عشت حر الصيف وحر إشراقه

‏ياليتـني فالبال ياللـي على البال
‏وتعيش وصلي مثل ماعيش وصلك

‏لو كان بيني وبينك اميال واميل
‏تلقاني اقرب من ثيابك لخصرك

في مزاد الحب : لو يكبر صنيعك
‏ما يسـومك بـ البشر بايــع غـلاك

‏من بغـى فرقاك بـ هدومك يبيعك
‏ومن عشق طاريك بعـيوبك شراك

اليوم بنسى مثل مالناس ينسون
والنار في قلبي مع الوقت تطفي

بعلمك وشلون الأحرار يقفـــــون
وأعلمك وشلون الأشـــواق تقفي

كل المعاني في وجودك قصـــــــيده
وكل المشاعر عقب عيـنك ولا شي

يا ملهم احساس الغـــــلا من وريده
ياليل عمري يا سنا الشمس والضي

تدللي وأرضيكـ وأزيدكـ غروووور
وكل اللي على بالكـ على خشم

إن جات من طيّب شقاها على الطيب
لو أنها أعوج من رقبة الذلولي

وإن جات من مسكين منطق وأساليب
حطيتها بين الثرى والنعولي

اجمل سواليف المحبين بالصمت
لا صار كلن ينظر بـ عين مغليه

ابغيـك تفهمني .. وانا ما تكلمت
في خاطري لك شي ما اقدر احكيه

قبلك حياتي ترى ماهيب مرغوبه
وشلون جدّد وجودك رغبتي مدري

عن عيني الناس ملغيّه ومحجوبه
ما أشوفك إلا سماي وكلهم حدري

مدري القصايد فيك وش ممكن تكون ؟!
لا صرت صفحة بالغلا مالـهــا طــي

ما أبيك تسأل كيف أنا أغليك وشلون ؟!
الحب كله فيك أنا أشــوفـه شــــوي

يكفي أشوفك كل شي بــهــالـكـــون
ويكفي أشوف الكون دونك ولا شـــــي