|
لمن كنت بالمدينه صليت العصر بالحرم واتصلت علي بنت اختي متزوجه وساكنه بالمدينه >> ياربي طلع اسرار العائله :127:
وينك يازفت قامت تضحك قالت اكيد بالمدينه قلت لا يكثر انتي بالبيت قالت اجيك الان قلت وين قالت بمنتزه قباء قلت من معاك قالت زوجي قلت الان اجيك اسلم عليك والله واروح المنتزه ومستقبلتني عند الباب وادخل معها وكل شوي تناديها حرمه تسلم عليها . قلت انتي تعرفين الناس كلهم قالت المدينه صعيره وتحس الناس تعرف الغريب وجلسنا وتقهوينا لمن قرب المغرب ودعتهم وبالقوه تفككت منهم الا تتعشاء . بس صدق المدينه تغيرت كثثثير .. |
تعرفون السخونه تخلي الواحد يطلع الي بقلبه :h6: مره دخلت منتدي مشهور وحصلت وحده رمزيتها متوفيه ( الله يرحمها ). جاني فضول اقرا كل شي كتبته الي اخر يوم لها . وجلست ايام وانا اتصفح صفحاتها القديمه وادعي لها لدرحة دمعت عيني وقلت يالله كيف كانت وين راحت رغم اني ماعشرتها
وكان الجميع يتقرب لها ضحك ويمدحونها .من ردودهم وملفها . قلت بكتب موضوع عنها اذكرهم و يدعون لها . واي واحد منا يشتري لو خبز وتمر لو ب10 ريال ويتصدق عنها . وهذي حق الاخوه والعشره .. والله محد رد وجلس كم يوم وحذف . واكتب موضوع واطلع الي بقلبي وقلت توبه ادخل منتداكم يالله الناس تنساك علي طول وصلنا لهذا الحد طيب وين مدحكم لها وهي عايشه هذا كان كله نفاق ورياء . بعد ماخرجت قلت بنفسي ماينفعك الا العمل .. |
يازين زواج الاولين تزوجت وعمري 18 سنه ومن عادتنا ماتشوف عروستك الا بالشقه :m7asmilies-com:تاخذ بالوصف فقط من اخواتك او امك الايام ذيك كان الزواج متعه وسعاده مادري احساس غريب يجيك
وكنت احس اني حسين فهمي وهي مرفت امين كانت افلام الحب والرومنسيه عندهم وكان الحب شي عظيم . المهم اشتريت روب زي حسين فهمي واحد لتسبح ووواحد للعصريه وقت الكوفي >> ياربي لك الحمد :q20: المهم ويوم وصلنا الشقه مافي كلام ولا نعرف بعض بس نظرات وعيوني اذبلها تقال جني وخجل كلنا صغار وين الكلمه تطلع بس تشوفين زي المسكون رايح جاي من المطبخ لصاله يدور كلام وجاء وقت حسين فهمي والبس الروب الاحمر >> يارب لك الحمد :ff1 (44): تذكرت الصلاه تصلي ركعتين وبشويش يله نصلي ولا كلمه هي بالشرعه وانا بالروب ونسيت هي سر ولا جهرا القرايه واسكت فتره وطلع الصوت بقوه بلحن لزوم التميلح .. وتقمص ونخلص ويوم خلصت امسك الجبهه دعاء اللهم سخر لي مارزقتني الدعاء كله غلط وكله كوم وجايب طاوله طعام كرسين وطاوله مررررررررره حسين فهمي والشعر وقتها مستشوره الحلاق ساعه حرق راسي المهم ثاني يوم ناكل تحت الطاوله الاسبوع الي بعده بالمجلس . لا كان فيه ماليزيا ولا سفر غير الطايف ابها المدينه فقط .. |
تألَّمتُ.. لكنِّي دفنتُ مواجعي
وخبَّأتُ جُرحي كلَّما جِئتُ أنطقُ وعانقتُ كلَّ الحائرين.. مواسيًا وقلبي هُنا بين الحنايا.. مُمزَّقُ إذا التفَّ غصنُ الذِّكرياتِ على يدي ذبلتُ، ليَحيا الغصنُ فيكِ ويورقُ سلامٌ على عينيكِ من مطلعِ الهوى إلى أن تغيبَ الشمسُ من حيثُ تُشرِقُ |
يكتم الانسان زعله وحزنه في قلبه ويظن انه اختفي فيظهر فجأه في الوقت الخطاء وللاسباب الخطاء ولناس الخطاء تلك ضريبة عدم خوض المعارك بوقتها ..
|
صباح السعاده والامل صباح يوم جميل ..
|
اليوم بفلها بخرج من البيت بروح افطر بالرد سي مول واتقهو واجلس لضهر
السخونه الحمد لله احسن اليوم .. |
اللهُمَّ إنَّا نسألك في يوم الجمعة أن تفتح لأدعِيتنا أبواب الإجابة
|
| الساعة الآن 09:23 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir