هكذا الدنيا حلاً وترحال
 

السلام عليكم ورحمة الله وبركاته ..



اليوم السبت الموافق نوفمبر 2026/15 الساعه اثنين ونصف ليلا قررت افتح مدونتي :36_15_5[1]:

وعنوانها هكذا الدنيا حلاً وترحال .. فالدنيا لا تبتعد عن هذا العنوان لان دوام الحال من المحال .. اليوم هنا وغداً هناك .. وتستمر الحياه ..
المدونه متنفس يحكي فيها كل مايخطر بباله ومتنفس جميل لشخص ..

نسيت أقلكم اول شخص يدخلها له 20 الف نقطه من الاداره :q20: >> دعابه
اليوم الامطار عندنا بجده قويه الله يجعلها أمطار خير وبركه ..:121(1):تعرفون الامطار تخلي النفسه والدم خفيف

عشان ماعندي 20 الف مشاركه اعطيها لاول زائر لمدونتي اهديه هذه الكلمات :pftroest:


فضل شاكر .. يارب يخلي ضحكاته ميشوف الهم بحياته ..


https://www.youtube.com/shorts/lsRO8XRKa2Q

كان مافيه غيرك بـ قلبي وحيد !
كانوا هم الشك : ولحالك امان ،

كنت احبك كنت احبك والجديد ؟
انت كان : وكان خلّص من زمان

https://pbs.twimg.com/profile_images.../T6Gylw7t.jpeg




إخفاء الأشتياق إختناق

هكذا الدنيا حلا وترحال .. هذه الكلمات اصبحت رمز بكل شي بالجوال بالحاله وقصتها كما يلي .




كنت ذاهب لوحدي من المدينه الي الديره( القريه ) والديره تبعد 280 كيلو وبالطريق مريت مطعم باخذ غداء وكان المطعم زحمه . اخذت الغداء وببسي ومشيت مسافه بعيده ووجدت غرف مهجوره . بالصحراء ودخلت هذه الغرف ونزلت الغداء وفرشت وجالس اكل واقراء الكتابات بالجدران بكل مكان استوقفني كلمات ( هكذا الدنيا حلاً وترحال ) مكتوبه بالفحم عجبتني وقلت بنفسي صدق والله وسوف ارحل كما رحل كل من دخل هذه الغرف .. وركبت سيارتي ومشيت بالطريق
وفكري هكذا الدنيا حلا وترحال ..

دوماً أنت في فكري،
و ببساطة لا أحد يشبهك قطعا.

يقول البدر


أبيك تعرف إن الناس أجناس ولا كل من ينطق أحبك " يحبك بعض البشر يغرك بصدق الاحساس وبعض البشر ( ساكت ) وقلبه يحبك:rr:

https://www.youtube.com/shorts/Cb_xStI-tq0

أهتم لمن يهتم بك لمن يقدر مشاعرك لمن يزعل لزعلك .نحن بزمن انقرض فيه هؤلاء ..


وصل الله علي نبينا محمد وعلى اله وصحبه وسلم ..

https://www.ramstarab.com/wp-content...-8-254x300.jpg


بعض البشر يمرون بحياتك سويعات وينصرفون لكن لاتنساهم و يبقي بذاكرتك للابد ..!!

بالحياه هذي لاتقتنع ان احد بجوارك . الكل بمزاجه اذا فاضي كلمك واذا شاف غيرك سحب عليك عشان كذا لا تحط امالك بشخص . :ff1 (49):

الحب اصبح رخيص كلمة تقال ونصدقها !! من احبك لايرضي عليك الا بيت ابيك يتقدم كالرجال ..

في قسم المدونات تجد العجائب ..


مدونات تدخلها تحس بحزن وتندم انك دخلتها ..


ومدونات تدخلها تحس في شي من الخيال والمبالغه فتتجاهلها .


وفيه مدونات تحس بطيبة قلب اصحابها وماعنده تصنع وتكلف فتحبها وتحب صاحبها


وفيه مدونات تسعدك وممتعه وتبتسم يوم تدخلها . فتتمني يكتب فيها كل ساعة . فتبتسم يوم تشوف اسمه




مدري وش تحسون بمدونتي :smile: لا تقلون كئيبه وربي ازعل :yellow:

بعض الناس تكتب اشياء الناس تركتها وطاف عليها الزمن .
عندما تكتب بالمقدمه ايها النجووووووووم وايها الكواكب اشهدي وايها الرمال القادمه من الشمس وايها الحنين المتفجر من قلبي هههههههه
ياخوك ادخل بالموضوع بسرررررعه عندك خاطره . اكتب شي واقعي وملموس ومصدق
لكن الخيال الان تركته الناس .!! ماعلينا يقلون الزنجبيل مع اللين ينظف البشره صح :ff1 (154):

المهم نسلم عليكم الان بصلي الفجر وبركب سيارتي وبروح المدينه طيبه الطيبه بجلس كم يوم بفندق عند الحرم لوحدي استمتع بهذا المكان فيه روحانيه عجيبه وسعاده غريبه .. صلاه .وكوفيهات .وسوق. ومطاعم .وفرفره .. شي جميل حقيقي ..
لا نوصيك يامدونتي اي عابر سبيل أو احد سئل عني . قهويه واكرميه واعطيه ورد وهو خارج :121(1):.. في أمان الله ..:121(1):

اكثر مايدمر الشخص تضحياته لسنين طويله للأشخاص الخطاء ..

نحن لانحب الوحده .لكن بالحقيقه أصبحت اكثر امان وراحه لنا ..

لاتمشي بطريق غامض من البدايه وبعدها تشتكي من الخيبات ...

صباح السعادة ًًً

الاجواء بالمدينه تهبل هتان وجو ياخذ العقل

*حين يسكن رضا الله في قلوبنا*
*‏يصبح كل شي أجمل ..*
*‏اللهم أرزقنا القناعة والرضى
بما قسمت لنا
*واجعلنا من الشاكرين لنعمك*
*التي لا تعد ولا تحصى ..*

*اسعد الله صباحك

اللّي يحبّ الشّمس يبكيه الغروب
واللّي يحبّ اللّيل يضحك للقمر

واللّي يحب انسان ما يقدر يتوب
لا صار هذا الحُبّ يسوى له عُمر ..:ff1 (34):

مره حسيت بضيق مسك معي قلت .. يمكن عين والعين حق تعرفون :34:..تعرفون العيون فناجيل المهم رحت لشيخ قالو عنه كويس .. قلت يقرا عليه . ويعطيني زيت مقري اتدهن فيه قبل انام .ومحو اشربه .. المهم قرا عليه الشيخ . وقال عين قديمه وكنت صغير قلت طيب خرجه . قال يبيلك جلسات هو عاصي . >> ماشاء الله يبان من ملامحه


المهم اعطاني زرعروونوط عشب بمويه كانه دود بيمشي قال اشربه الان قارورتين .. وكان بالغرف حريم يصارخون يسبون الشيخ . المهم بعد ماشربت المويه صرت اسب الشيخ معهم . فال قال هذي عين لاني كنت شاطر بالثانوي المهم الشاهد عليكم بالزيت المقري .. تحس بانتعاش والزرعنووط اتوقع اسمه وتحس معاك الدكتراااااااااااه :q15:

على كثر الوجيه الغايبه عن راسي المزحوم
حضو وجهك نيابة عن عموم وجيه غيّابي

يعسّ في قاع بالي فيضة جروح ومناقع لوم
وينصب له خيام من السّهر ويطيّر اسرابي

خذاك الحلم من نوم العوافي لين صحّ النّوم
وخذاني ليلٍ ليَا جيت ارقده وقفّ على اهدابي .


حان وقت الزيت المقري تصبحون علي خير ..:h6:

يوم كنت بالمدينه بالحرم صليت الضهر وقلت بدل ارجع الفندق انتظر العصر وجلست اقراء قران واصبح الحرم فاضي من الناس جاني طفل اتوقع عمره 9 سنوات او اقل وقال عمو ابي اسجل بالتحفيظ ولابس ثوب وثوبه غير مسبل
قلت والله يولدي انا مو من هنا لكن ممكن يفيدونك العسكر او احد قدام وقال جزاك الله خير وذهب وقفت قراءه القران
وانظر اليه وهو ذاهب قلت يالله اين نحن من هذا الطفل !! لم تغره الالعاب واللهو مع الاصحاب فذهب يبحث عن من يعلمه كتاب الله .. قلت بقلبي الله يحفظك ويجعلك من حفظة كتابه .. قلت انا بسنه امي تدخلني البيت من شعري من الهمله والدشره تقول الله يرحمها تروش واخرج بس لا تفضحنا لك اسبوع ماتروشت :q9: