|
إمـِآ حضُـوْرٍ فيـِهٌ كْلٌ التمَيـزْ وُلآ بـَلاشْ مِنْ البدآْيهـٌ حُضُورْيٌ
بسم الله الرحمن الرحيم
و اسعد الله اوقاتكم و ادام الله : العافيه ب اجسادكم و الانشراح ب قلوبكم و الفرح و الخير ب ايامكم اعضاء ضي البدر كلن ب نكه بعد مشاورات بيني و بين نفسي و بعد شد و حذب و اخذ و عطى و مد و جزر > اخلص علينا و الا بنمشي < لا تدفون طيب بقول خلاص ما احد يمزح معاكم المهم انا و نفسي قررنا قرار راح يدخل البهجه و السرور على قلوبكم.. و هو اني افتتح لي مدونه> حسستني إنك فاتح لنا مول و الا ملاهي عاد .. المهم < و المهم اللي فوق وش وضعها*~* و بمناسبة الافتتاح راح يكون الدخول مجاني لمدة اسبوع بس في شرط صغنون > تراك كاتب مجاني ي الاخو ^~^ و هو ان ما احد يجي و يده فاضيه ^~* و لا تشيلون هم بعد الاسبوع راح اضبطكم بتخفيضات و اكواد و كذا يعني و ترى كنت مسوي عروض اليوم الوطني بس عاد جيتوا متأخرين ( تراك أمس اللي مسجل :21:) و يلا كلكم ارفعوا الشاشه على فوق و اشتركوا < عاش الجو |
،
. ؛( ورد// قهوه)؛ وشموع؛-؛ و حضورك .. اللي يعطي المكان السطوع.. عطرك/: سواليفك/: ضحكتك اسمعها وأضيع الموضوع" . ، |
كل ما اسدحه فيذا تراه حرفي و خط أيدي < خط الكيبورد خلك عنك النصب :ff1 (42):
ما عندي نقل و نسخ.. عشان تعرفون بس اني مجتهد و اعتمد على نفسي و مركز و متابع من اول السنه و أراجع دروسي اول بأول < أدري مالها دخل لا تدققون عاد :m18asmilies-com: |
.
، يا الله بصبح لكم كله افراح و خير و ربح .. حيهم و هلا و مسهلاااا..:ff1 (109): مبطي عن الوجيه الجميله و الحلوه و المنوره< اجحدوا المدح عاد اليوم سالفه سريعه كذا ع الطاير :q21: ، مرات الواحد : يقرأ عباره و يمر عليها مرور كرام .. و مرات : يسمع اغنيه و عادي ما تشده كلماتها.. لكن!! خلي شخص معين يرسل له نفس العباره.. و الا يقوله اسمع نفس الاغنيه .. يصير وقعها شي ثاني و مختلف.. العباره تقرأها و تقرأها كلمه كلمه و حرف حرف < و دار دار لا ذي مالها دخل بس تحمست :sm261: و الاغنيه .. تعيدها و تعيدها و تعيش الكلمات و اللحن و كل تفاصيلها ..:tongue: عباره.. جاتني منك : فيها حلا.. حتى لو كانت حروفها مراره // و اغنيه .. تهديني .. اسمعها : يعيشها قلبي و المزاج تتغير أطواره // و توته توته خلصت الحتوته:90: و المايك بين ايديكم :m126: ، . |
.
، اول مره!! من كل شي دايم يكون لها وقع خاص ما ينسى.. فرحة : اول نجاح .. اول جوال .. اول سياره .. اول هديه .. اول و اول و اول كثير من الاشياء .. وقعها و فرحتها و شعورها ما ينسى و مهما كررت الفعل ما راح تعيش نفس شعور اول مره ..:q7: اسمعكم كلكم تقولون و اول حب :a 14: يلا و اول حب عشان لا تزعلون ..:ff1 (55): مره!! اولى.. تكون غير عن كل مره.. لها ذكرى.. تفرح الخاطر و تسره.. و يمكن بعد.. تكون له كدر و تضره.. و مهما كان: بيكون شعور .. ما يتكرر.. و احساس لو تحاول ما تمره // له طعم حالي .. و يمكن بعد تذوق مره// ، . |
.
، صباحكم افراح و نور لامانيكم فيه لاح .. علومكم عساكم بخير .. قبل فتره صارت ليلة مخاوي الليل .. للفنان الرائع خالد عبدالرحمن .. و كتبت فيها بعض الكلمات .. و حبيت اني اتشارك فيها معاكم .. .. #ليله_مخاوي_الليل كمية مشاعر// قمرها: فنان ..مع العشاق له قصه و حكاوي.. خالد ب الأفعال .. ب القول شاعر// ذكريات:تفاصليها نجم صوته ضاوي.. .. مخاوي الليل .. ابو نايف و ما ادراك ما ابو نايف .. خالد عبدالرحمن : هنا الاحساس .. و هنا الصوت .. و هنا لحن بكل جمال شادي .. ليلة احساس.. و ذكريات و معاني.. صوت القلوب: اللي ضاعت حروفها// وشلون ما اغليك: .. حي من جاني.. ي فخامه : احتارت الابيات بوصوفها// .. كل من طغى عليه احساسه .. و لا عرف يعبر عنه .. راح يحصل في اغاني ابو نايف .. كل ما يبحث عنه .. بكل تاكيد راح يحصل اغنيه تعبر عن حاله.. سواء كان حب و الا شوق و الا عتب و الا فراق لان خالد ما يعزف ع اوتار العود .. الا يعزف على وتر الاحساس و المشاعر .. مخاوي الليل بأغنيه: يكفي الاحساس عن شرح طويل // ب لحن: يعزف مشاعر قلب من مابه عليل // ب قصيده: يكتب حب و عشق منهمر مثل سيل// .. اغاني خالد : ما هي بس مجرد اغاني!! رسايل من خليل ل خليل.. عشق..شوق: قلوب من حنينها تعاني !! صوت له ورود الطرب تميل.. احساس .. نبره.. شعور حاني// .. و قبل الختام : هناك فنانين .. و هناك خالد عبدالرحمن .. هذا مختصر الكلام .. و من الشاااامخ لكم تحيه طيب السلام // . ، |
.
، الحين في حالة تمر علي بعض الاوقات .. اللي هي سلمكم الله.. اني اكون في مكان و الا جلسة ..:ff1 (106): و احس ان الاحداث ذي مرت علي قبل بكل تفاصيلها .. و كأني عشتها من قبل :36: من جد هستررررره و تقول انا بحلم و الا علم :sm254: و تأخذ فتره الين ما تستوعب الوضع :confused: ما ادري انتم مثلي و الا اروح اتعالج :q16: |
،
. وشلونك!؟ بغيابك ظلام.. الضحكه مالها عنوان!! تعالي: و شوفي الحال بعيونك// دونك!! يا ثقل دم الايام .. باهته لو فيها الوان!! دامها خاليه من لونك // ، . |
،
. الجمال من الامور التي تختلف فيه الاذواق و المقاييس من شخص لاخر .. اللي يقول الجمال بالعيون و اللي يقول بالشعر و اللي يقول بالملامح و اللي يقول و اللي يقول كلن و ذوقه .. لكن اجمل انواع الجمال .. هو اللي تحس انه نابع من داخل الشخص .. يعني اول ما تشوفه ما يبهرك شكله.. لكن يبهرك الاحساس اللي يلامسك .. ان جمال ذا الشخص نابع من جمال روحه.. اللي تنعكس على خارجه .. حتى العين تحس براحه و هي تشوف ملامحه.. و تشوف النقاء كيف يشع منه .. و في شي مهم بعد : ما انكر ان جمال الشكل يلفت .. لكن ممكن ان العين تعتاد عليه مع مرور الوقت .. لكن الجمال اللي نابع من الروح .. ما ينمل لان تشعر انه يجدد نفسه بنفسه .. كل مره يشعرك ان في شي جديد .. . . جمال!! الروح كنت دايم به اسمع.. محال !! كنت اظنه : الين ما شفتك.. و كيف على محياك يلمع.. سال!! النقاء .. ما بين ملامحك .. وش اكتب عنك: اجمل عباراتي .. ما توصف قليلك لو لها اجمع.. خيال!! مقاييس الجمال: انتِ مقياسها.. من يلوموني اذا فيك اطمع .. . . |
،
. يوم يجي شخص و يسألك : انت ليه تحبني هالكثر !؟ حقيقه السؤال ذا جميل : اول شي يحسسك انك قادر توصل حبك .. سواء بفعل و الا بحكي و الا تصرفات منك .. توصل له رسايل ب استمرار انك تحبه .. و الشي ذا كفيل انه يمنح قلبك الارتياح .. و ما راح يجي شخص يسألك ذا السؤال .. الا انه شعر بصدق مشاعرك و محبتك له و ثقته بالفعل انك تحبه.. لذلك : اي مشاعر صادقه بداخلك قولها و عبر عنها .. و عيش جمال لحظتها بكل تفاصيلها .. لا تأجلها و تقول بكره اقولها .. يمكن ما يكون في بكره .. وقتها راح تبقى ذا المشاعر غصه بداخلك .. تخليك تردد: ليت و ليت : عن كل المشاعر بحت له و حكيت .. عانيت: …من لوم قلبي و من حِنينه شقيت .. طويت!! لا و الله صفحاتك ما طويت.. كل ما احتجت الفرح : …………………….لذكرياتك ضويت .. اقفيت!! يا عسى من وين ما توجه لخير.. بقلبي ما انساك و لا يوم عنك سليت.. . ، |
.
، صبحهم و لكل خير يا رب ربحهم :ff1 (55): بقولكم سالفتن سريعه < سالفه و الا وجبه ذي > كثر كتشب يا صديق قصدي اخلص علينا هات السالفه :h56: المهم سلمكم الله.. في طريق الدوام سوبرماركت دايم و انا طالع امر اخذ لي منها اغراض .. و ذيك اليوم صادقت رجال كبير بالسن جالس ع الدرج .. و الجو كان شوي حار .. جيت عنده قلت اخدمك بشي مويه عصير و الا اي شي تطلبه .. قال الله يجزاك خير انا صايم و قام يدعي دعوات تشرح الخاطر و رفض اني اقدم له اي شي .. لكن انا كسبت اشياء واجد بدون تقديم اي شي .. يعني موقف صنع لي يومي < قايل السالفه عشان اقول ذا الجمله لا لا جد .. لا تحقرون شي من عمل المعروف.. مهما كنت تشوفه بعينك بسيط.. ابتسامه .. جبر خاطر .. علبة مويه .. اي عمل .. حتى لو تنكد على احد و الا تخرب عليه المهم لا تجلس فاضي < وش فيني كأني تحمست زياده > امانه لا عاد تنصح لا عاد حقيقه اي فرصه تجي تقدر تقدم فيها عمل خير لا تشاور نفسك و لا تحرمها الاجر و ما تدري يمكن تجيك دعوه وقت استجابه .. و تفتح لك باب رزق و الا خير و الا توفيق و الا ترد عنك سوء |
.
، بسولف عليكم شوي : عاد سوالف اخر الليل لا تدققون فيها خذوا منها و خلواا..:m18asmilies-com: المهم انا بس ودي اعرف : ليه الواحد من يحط راسه ع المخده.. و ما يمديه يقول بس الله الا و في شي يدقه مع كتفه .. و يهمس عند اذنه يا حليلك بتنام .. قوم قوم : و يفتح نص عين .. ويناظر الا هو ملعون الجدف الحنين .. خير خير وش عندك و يرد عليك اجل تطالعني بنص عين انتظر بس علي شوي و اوريك هين .. و يغيب عنك شوي .. و يجيك مدحدر.. و تشوف انه ماسك معه اثنين.. كل واحد بيد و يتمخطر .. تقول يا ولد ذا من جايب معه توالي الليل .. و ما تصحى الا و هو سادحهم جنبك .. عاد وقتها تفز و تناظر .. و تفرك عييناتك الا هم الشوق و الذكريات .. يااا ليل سلط الله عليك ي الحنين :61: و يعطيك ظهره < وين رايح طيب التفت و سلم علينا :q8: و يناظرك ذيك النظره اللي كأنه يقول: يلا فيك خير الحين نام ..:confused: الحنين : يتركك !! ما بين شوق و ذكريات// دوامه ما تدري!؟ متى منها تفيق.. ذكرى فيها ابتسامه..ذكرى اهات// تعب!! ما عاد فيه للرجعه طريق.. ، . |
.
، أختر لقلبك، ما يُليق بِمقامه. "اِختر لقلبكَ ما يزيد من لمعانِ جوهره و بصيرته اختر لقلبك سنداً لا يتغير ولا يميل دايم نقرأ ذا العبارات : اختر لقلبك و اختر لقلبك !؟ كأن ذا القلب يعطيك فرصه و الا خيار .. انك تختار .. ما تدري الا و هو حاطك بوسط المعمعه..:h45: تحط باب و الا سور و الا حارس .. بعض الناس ما تدري : الا القلب مدخلهم.. و ما تصحى الا و هم متكين و متربعين .. و يأكلون مارس < قلت مارس عشاني احبه :012ew2: طيب ي قلبي و انا وش وضعي ما في شي اسمه تستأذن .. و يعطيك ذيك النظره اللي يا زينك و انت ساكت ..:q9: اختر و اختر .. ما في مجال للاختيار .. يحطك تحت الاجبار .. و يخليك تحتار .. كيف و كيف .. عاد اذا طلع اختياره ماش.. و تردد له شفت كيف و يا حيف .. ما يرد لك الا بالوجع و الالم .. هذا اللي نأخذه منك ي الفاغر .. و مرات يجيك هو و يقول شف كيف .. جبت لك اللي يسعدك حتى لو مر ببالك له طيف .. و هي كذا حظ و نصيب و توافيق.. مرات يكون ضيق .. و مرات تحس معاهم انك بحلم .. ما ودك منه تفيق .. و عاد الحين المايك معاكم .. في مجال للاختيار !؟ و الا كلنا تحت الاجبار!؟:uytutuj: ، . |
.
، صباحكم زي وجيهكم < مالي دخل عاد كلن و خشته :8: لا لا كلكم ملح و قبله و خير .. لذلك صباحكم خير و لطير الفرح فيه تغريد .. كل من مر من هنا و ترك بصمة اعجاب او تقييم .. لكم من الاعماق كل تقدير و شكر .. و حقيقه لم تكن مجرد لايكات.. إنما كان لها عبير و شذى وردات < ي ولد ما عرفتني وش ذا الحكي :h63: لا تزدان المدونه الا بكم .. انتم لها النور و انتم لها السرور .. و لا تبطون طلوا هنا دايم .. و لكم من العود نفحات و نسايم .. و ترى يمكن اسوي لكم فعاليات و حركات .. خلكم قريبين بس :8: و فوتكم بعافيه :q4: ، . |
.
، #بوح_اخر_الليل: يا مرحبا: يسابق بها قلبي لساني// يا هلا يا جمال الروح و جبر خاطر.. يا مرحبا : حكي و قصيد و اغاني // يا هلا يا ضحكة يومي يا فرح ماطر.. يا مرحبا:يا حضور ينسيني كل ما أعاني// يا هلا نفح عود كل المكان بك عاطر.. ، . |
،
. كيف حالك !؟ عسى ربي .. على طيب نيتك يزين فالك // كيف حالك!؟ يا روح .. تنشر النور بكل مكان حالِك// كيف حالك!؟ (انتِ من يعرفك! …..ما يوفيك لو بقلبه شالك ) كيف حالك!؟ لا تظنين انساك!! ……..و لا حتى يجي في بالك.. ، . |
،
. كيفكم و علومكم:m18asmilies-com: وش فيكم مسمرين كذا من الشموس < امزح امزح :uytutuj: حليانين اشوف ما شاء الله :eek: اسال الله تكونون بخير و عافيه ًً و ان يعطيكم من الخير و السعاده حتى يرضيكم.. وش تبون نسولف هاتوا العلوم :q9: و إلا تعالوا و قربوا بقول لكم سر بس عاد لا احد يدري خصوص انتم ي الزوار يا ويلكم لو تعلمون .. السر اللي بقوله لكم تدرون ان اغلب سوالفي و كتاباتي < سامعكم ترى تقولون ارحمنا يا كتاباتي وش عنده مهندس الكلمه إلا تعالوا ثاني مره في سالفه باخذ رايكم فيها .. وش رايكم بالأشخاص اللي يوم يتواصلون معك بالجوال يجلسون يتكلمون و يسولفون بالساعه و الساعتين لدرجه كل شوي تناظر بالجوال تقول ذا متى بيسكت .. لكن إذا قابلتهم وجه لوجه بمكان و إلا مقهى .. ما يقولون كلمتين على بعض .. أنا ادري بسم الله علي و الله يحفظني .. اني تغذيه بصريه و يتآملون بملامحي ..:ff1 (44): بس عاد ما هو لذا الدرجه .. ترى بعدين حتى أنا استحي و اسكت ..:yellow: و تصير الجلسه كلها سكوت و عالي السكوت ما أسمعك < مالها دخل ادري بس جات على بالي المهم من جد كيف تتعاملون معاهم طيب وينه ذاك اللي من الجوال ما يسكت و سالفه ورى سالفه و علوم ليه تتغير شخصيته :araya: و ادري تقولون طيب و السر وش صار عليه : ما راح اعلمكم عشان تعرفون تتنمرون علي تحسبون نسيت اجل يا مهندس الكلمه :16: و ما اطول عليكم و المايك معاكم انطلقوا :m18asmilies-com: ، . |
،
. تتذكرون سالفة الحنين يوم يجيب الاشواق و الذكريات و يروح < اللي ما شافها يحصلها يا بالصفحة اللي قبل و الا فوق ما فيني اطلع و اشوف مكانها :w6w2005041122105666 المهم ذا المره حشرت الحنين قبل ما يروح :h51: طيب بما اننا الحين اربعه: انا و الحنين و الشوق و الذكريات ودكم نقلبها بلوت و الا نسولف ..:m6asmilies-com: ودكم نسولف: نسولف ليه لا :a11: و دام كذا انا بطرح عليكم سؤال ي الثلاث من اقوى واحد فيكم !؟ وش فيكم تناظرون فبعض جابوا :h73: اشوف الحنين بعيونه حكي المايك معك : بقول بكل تاكيد انا الاقوى بقولكم ليه : لاني انا اللي اجيك فجأه و اقفز من فوق اسوار النسيان و لا كأني اشوفها .. ما تدري الا انا مطبح عليك لا احم و لا دستور .. اشوفكم ساكتين ي الذكريات و الاشواق .. يعني تأيدون كلامه .. ايه ايه و هو صادق .. لاني انا يا الذكريات ما اجي الا من بعده.. هو اللي يفتح لي الابواب .. و انا ثاني واحد بالقوه .. و بعدي تجي الاشواق .. لان رياحي هي من تشعل نارها .. و يكون الختام مع الاشواق اللي تهد حيلك و ما تتركك الا و انت تجر ااااااه ورى اااااه ..:61: و يلفت نظرنا كلنا شي بالزاويه منكفي على نفسه ..:h51: الا و هو : النوم .. ليه ما تجي تشاركنا .. اسف مع وجود ذا الثلاث مالي مكان و لا اشعر معهم ب الامان .. طيب طيب لا تبعد بحاول اصرفهم مع انهم انهكوني و ليت احصل عندك لي علاج ..:confused: و الحين المايك معكم هل تتفقون مع من الاقوى و الا لكم راي اخر ..:sm256: |
،
. #بوح_اخر_الليل : هذيان!! تطلع الشمس .. تقرأه!! الحيره على وجهك تبان!؟ تتسأل!! هذا انا!؟ ايه .. ايه.. لكن : تحت تأثير شعور بلا عنوان!! ، . |
،
. #جبر_خاطر: يمكن يكون بفعل و يمكن يكون بكلمه و يمكن يكون ابتسامه .. لا تستصغر شي يكون في مجال انك تقدمه.. ما تدري يمكن تكون سبب في تغير حال انسان حتى دون ان تشعر .. . . جبر الخواطر.. يكفي: لو ما تقدم .. الا مجرد احساس.. انك معه و لاحزانه تشاطر// ، . |
،
. صباح خفيف لطيف ظريف لكم..:q7: اقربوا حول الضو تدفوا < اسمعكم تقولون دافيه بحفاوتك و سوالفك:f26: جايب لكم مكسرات اليوم اشربوا من المكسرات و كلوا الشاهي < واضحه البدايه :49: اليوم سالفتنا ي الوجيه الطيبه: عن القبول ..:a 120: القبول بين الناس رزق و نعمة عظيمه للي يكتبه له الله.. اذا جيت مكان تشوف كيف الناس تفز لك و ترحب و تهلي و تبتسم لحضورك .. القبول من الله.. بعض الناس من تشوفه سبحان الله تحس له بقبول ما كأنك تقابله لاول مره .. و بعد ما تشوف اطباعه كيف .. من اخلاق و ذوق و ذرابه و اسلوب و تعامل و منطوق .. ما تستغرب من القبول اللي شعرت له فيه من اول ما قابلته .. و ذا الامر يؤكد لك ان القبول ما يجي من فراغ.. و القبول يعطيك شعور و لا اروع .. انك جالس تقدم للناس .. صوره و انطباع جميل عنك .. و تشوف مردوده منهم بعينك و تحسه من المشاعر اللي تحاط فيها:ff1 (153): و بعض الناس.. تلقاه يسوي و يسوي و يراكض يمين و يسار.. و يمكن يقدم اشياء ما تخطر ع البال.. من اجل انه يحصل على القبول لكن ما الله يكتبه له.. بعض الناس بمجرد اتصال و الا سوالف بمحادثه قادر انه يشرح خاطرك و له قبول حتى لو ما تشوفه.. و بعض الناس يكون معك بنفس المكان و لا يحرك فيك ساكن وجوده زي عدمه .. خلك على طبيعتك لان التصنع مع الايام راح ينكشف:ukkk: و خلصت سالفتنا و ودي امشي < امسكوا فيني عاد حسسوني ان لي قبول و الا صح انا بمدونتي المفروض انا امسك فيكم هههههههههههههه اسال الله ان يكتب لي و لكم القبول و المحبه بين ملائكته و عباده و المايك معاكم < عاد من امس حاطه بالشاحن و الشحن فل عشان اللي يقولون دايم المايك طافي شحن :h68: ، . |
.
' اجمل اشيائي يتصل بك // هنا: كأن السعاده فيني متصله.. انا: قلبي و المشاعر كلنا لك// كل شي حلو : فيك محصله.. ، . |
.
، صباحكم ابتسامه ترتسم على كل اوقاتكم :q4: الا ع طاري الابتسامه خلوني اعلمكم ذا السالفه< اخلص علينا يا كثر هذرتك:90: هذا سلمكم الله .. نزلت السوق بأخذ لي غرض و يوم دخلت المحل اللي ابيه اول ما دخلت ابتسمت و سلمت و جاني الموظف و رد السلام و الابتسامه< ركزوا بالابتسامه ترى كل السالفه عليها :sm261: و حسيت في شي غريب من ردة فعله :m16asmilies-com: الا و هو يقول : تصدق اني نسيت متى اخر مره دخل علي زبون يبتسم عاد و انا اصرف له ابتسامه ثانيه :q4: و اروح اخذ الغرض اللي ابيه و يوم جيت احاسب و قالي السعر انا عاد اللي استغربت هنا :m16asmilies-com: لان اعطاني سعر مخفض بالمره اقرب انه يكون سعر رمزي < متعوب على ذا الكلمه :90: و قلت له مو معقوله ذا السعر احس انك بايعني بخساره قال ابد ما في اي خساره يكفي الابتسامه اللي دخلت المحل فيها < ادري بتعرفون الغرض اللي اشتريت لكن خلكم لن اشبع فضولكم :tyyuuy: المهم عاد من بعدها صرت قبل انزل اي محل من السياره اكون مبتسم :ff1 (52): و مرات تزبط و مرات تزحلطن :36_22_23[1]: و انتم عاد اعتمدوا الابتسامه لكن ما ادري عندكم زي ابتسامتي الساحره و الا من جنبها :h70: و بجد عاد وش بيخسر الواحد لو ابتسم حتى انه بيكسب اجر يعني و بشي بسيط .. و اعتبره تمرين لعضلات الوجه بدل الكشره اللي تسد النفس :60: و يلااااا كلكم كذا اعطوني ابتسامه قبل ما تطلعون < بس ترى ما عندي شي اسوي لكم عليه تخفيض:384a: و الحقيقه : ان تواجدكم يرسم على وجه المدونه ابتسامه عميقه :13: . . |
.
، ليل .. سهر .. حنين و برد!! باب الذكريات !؟ ينفتح ما ينرد: تمر كل الذكريات اشواك!! الا ذكرياتك انت ورد () ، . |
،
. #ليل_الشتا: حيره !؟كله تناقضات!! مختلط فيه الحنان و طبع قاسي !؟ حنانه دفا و طول وقت الذكريات!! قساوته حنين ما يرحم إحساسي!؟ طيفك يجي ما بين قصيد و اغنيات!! إنتِ معي معي في صحوتي و نعاسي!؟ ، . |
:mmm:
:mmm: انا جيت :uytutuj: كح كح كح :q9: الحين كذا تاركين شبابيك المدونه مفتوحه كلها غبار و باااااارده :10: صبحكم الله بالخير و المسرات كيفكم مع البرد و الاجواء المنعشة < بدري ليه مستعجل كذا :sm247: المهم يا زين الشتا و اجواء الشتا و ليل الشتا و كل شي بالشتا رغماً عن انف محبين الصيف اللي كلهم نفسيات < مشخصنها معاهم :h35: . . صوت المطر : شتاء .. حضورك .. انفاسك عطر // وينك يا شعر !؟ معذور لا ضاعت قوافيك : لا قصيده و لا قصائد .. كيف بس!! نختزل جمالك في شطر // . . |
،
. صبحهم و بكل خير و فرح يا رب ربحهم :mmm: مالكم حس اكيد متدرفلين مع ذا الاجواء قدام الضو و الدفايات :q9: .. خلونا نسولف عليكم شوي : بعض الناس يوم يتعامل معك : يجمع كل تجاربه بالعلاقات السابقه الشينه و الزينه .. و يتعامل معك بموجبها و بيطلع العقد عليك .. على هونك على هونك : عاملني باللي تشوفه مني .. لا تجلس تحاول تقنع نفسك ان انا تعلمت من الدروس.. و تجي بتطبقها علي لان بذا الحاله مع نفسك .. و على فكره ترى كذا انت الخسران بكل الحالات .. و خلك كذا موسوس الين ما تبقى لحالك .. و تعال قبل لا تطلع خذلك وحده مع نفسك بعد :yty6: و الحين المايك معاكم و ترى مدفيه ما عليكم :031: ، . |
،
. #صباح_الخير : يا من بكل تفاصيلك غير.. كل باهت: …..بحضورك زاهي يصير.. كيف أوصفك!؟ ابتدي فيك يخونني التعبير.. يا ضحكه .. …تنشر الفرحه مثل العبير .. ، . |
| الساعة الآن 11:22 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir