تجيني طيف ياعمري
 

تجيني طيف يا عمري على جنحان شوقي لك . .
. . اخاف ارمش من عيوني وابعثر صوره وصالك

حبيبي لا تجيني قول وين انت وانا اجي لك . .
. . ابيك تقول وين انت وعلى عيوني انا اسعالك

وربي فوق روس الشوك لخلي القلب يمشي لك . .
. . واخلي ظلالي يسبقني قبل يحضني منزالك

ثواني بس ابتهندم من عيونك وبهدي لك . .
. . في عينك ضحكت(ن) حتى تكحل عين عذالك

يقولوا الناس بغيابي تشب القلب ويضوي لك . .
. . حنيني ومن وهج شوقه يميل القلب لا مالك

قضى دمعي من عيوني ابي من عينك ابكي لك . .
. . ابنثر من ورى عيوني دموع عيون ترحالك

وحتى الشوق من صبح الدرايش قام يهدي لك . .
. . عصافير الرضى ترفرف على بيبان مدخالك

هنا ترمي صباح الخير قبل لا تروح واعي لك . .
. . وهنا تضوى مساء الخير في عيني من هلالك

انا من الليل يقطفني شعوري لك واغني لك . .
. . انا من الصبح يليلني الحزن من لون موالك

حرام الليل ماهو ليل اذا ما كنت في ليلك . .
. . وحرام الصبح ماهو صبح اذا ماكنت بظلالك

تروح وقلت احط عمري على كفي وانادي لك . .
. . نزعت العمر من شفت الغلا بالروح نادالك

وربك قول وش سوى الفراق بوجه منديلك . .
. . تسيل الوان طيفي فيه الامن البكى سالك

(( حبيبي لا يبكيك الفراق ولا يهد حيلك . .
. . اخاف الدمع من عينك يجفف صورتي ببالك ))

تعال احتاج اسولفلك عن الايام واشكيلك . .
. . وافض غيم الحزن وانثر حنين الشوق بقبالك

تعال وحط في قلبي هموم الفرقى واشيلك . .
. . لان القلب ماهو قلب اذا انه بنبضه ما شالك

يعطيك العافيه
طرحَ عَذب ..!!
أختيآر أنيق وحضور صآخب
سلة من الوردَ وآنحناءة شكر لسموك

إبداع في الطرح وروعة في الإنتقاء
ويعطيك العافيه على طرحك
ماننحرم من جديدك المميز
‎خالص تحياتي لك

كل الشكر والإمتنان على جماليه طرحك ..
وروعهـ مانــثرت .. ..

كلمات تعبق بالحب والجمال
وحروف صاغتها أناملك الرقيقة

معزوفة رائعة ترنمنا بلحنها

دمتي بكل الحب والخير والجمال

بين مواضيعكم نجد
المتعة دائماً
وفقكم الله لقادم اجمل