منتديات ضي البدر - لماذا الرجل صامت مع الزوجة متكلم مع اصدقائه؟

إذا كان الصمت صفة رئيسة في الرجل فلماذا يكون كثير الصمت مع زوجته علي وجه الخصوص في حين إنه بيكون منطلق جدا مع أصدقائه..لماذا لا يكون مع الجميع بنفس الأسلوب؟

الزوجة بتطلب منه طلبات كثيرة، أو أحياناً تريد كلام بعينه زي اللي بتقول لجوزها قولى كلام حلو، أو بتبقا عايزه تعاتبه علشان عدم الاهتمام، أو ما شابه ذلك
فهو بيمارس هوايته ساعتها علشان مش عايز حد يحطه في خانة اليك ويفضل يضرب فيه!
لكن مع اصحابه بيتكلم وقت ما هو عايز ويسكت وقت ما هو عايز، ولو حد سأله سؤال ممكن يطنش وما يجاوبش ومش هيخاف من اللوم والعتاب، ومفيش حد من أصحابه هيحاول يستخرج منه كلام معين بصيغة معينة!
الخلاصة هو واصحابه فاهمين بعض أكتر وبيعرفوا احتياجات بعض بشكل أكبر لإنهم من نفس النوعية.
ودا طبعاً مش معناه إن الرجل يفضل صامت في البيت، بالعكس فكثير من الرجال بيرجعوا البيت وبيتكلموا مع الولاد وأمهم ولكن بيكونوا مرهقين حبتين، لكن لازم يتكلموا علشان ياخدوا حقهم منهم، وكمان هما ياخدوا احتياجاتهم منهم كآباء للأولاد وأزواج للزوجات، فزيّ ما ليهم احتياج فالرجال كذلك لهم احتياج مقابل في وجود أولادهم وزوجاتهم حولهم واظهار الدفء المتبادل بينهم وبينه علشان يفضل البيت سوي نفسياً.