|
فمان الله
فمان الله ماباقي بقلبي الا فمان الله
محى فعله جميع اللي بقلبي له مخبيته فمان اللي نزع حبه بقلبي من بعد ما املاه وخلاه بعيوني شخص ماعرفه ولا جيته فمان اللي مقويني على بعده وانا ماقواه وسهل لي وداعه بعد ماصحت وترجيته انا مابيع من حبيت بس انه كثير اخطاه وانا اللي يخطي بحقي بلا ادنى شك ماحيته عطيته قلب .. ما غيره سكن في داخله واحياه وقام يموته بيديه ما كني له اعطيته جرحني جرح لو طال الزمن يصعب علي دواه و ليته قدر العشره وقدر صحبتي ليته خسرني وان خسر مثلي يموت ولا يجيه حلاه مع الايام لاباعوه يعرف كيف شاريته الحان as1 |
، انا مابيع من حبيت بس انه كثير اخطاه وانا اللي يخطي بحقي بلا ادنى شك ماحيته عطيته قلب .. ما غيره سكن في داخله واحياه وقام يموته بيديه ما كني له اعطيته ^ الله الله ي الحان من زمان عن القصايد الحلوه مثل هذي ومن زمان عن قصايدج اساسا شاعره ومبدعه مشاءالله عليج يسلم هالايدين والله وصح لسانج ff12 لج كل شي حلو + 500م وتقيم + 123 |
هدمت الصرح ذي شيدت لك واعليت لك مبناه
ويا ليتك ذكرت ايامنا الحلوه ونهر الحب ابقيته لكن للاسف ارخصت احساسي ولم تفهم سوا معناه وقلبي من بقايا جرحك الدامي قد ابليته فمان الله كلمة قلتها لكن فعلك ما يصير انساه وكيف انسى ألم جرحك وما بالقلب سويته الحان لرفي الشعور الداخلي في روح الكلمة جاريتك بهذين البيتين فقد حركت حروفك روابي الاشجان مودتي |
،
ماشاء الله مبدعه الحان شاعره متمكنه صح لسانك يعطيك العافيه ، |
كلمآت منْسُوجة ب حسْ عميق مُتألمـ
تتقآطر منهآ مشآعر لوعة وحزن ْ...! الحان يسلمـ ذوقكـْ ونبض احساسك ننتظر دوماً جديدكـ . لكـ ودي |
الله عليك الحان
صح لسانك أبيات جداً رائعة وقويه سلم احساس ودام توهج حرفك مميزه كالعاده بكبرياء وتمرد حرف |
جرحني جرح لو طال الزمن يصعب علي دواه
و ليته قدر العشره وقدر صحبتي ليته خسرني وان خسر مثلي يموت ولا يجيه حلاه مع الايام لاباعوه يعرف كيف شاريته يا سلااااام هذا هو القصيد اللي يطرب القلب . صح لسانك ياشاعرة البدر . وفي انتظار جديدك العذب اكيد تحياتي ،، |
ماشاء الله عليكِ ألحان
قصيده جزله من شاعِره جزله مبدعه بكل ماللكلمه من معنى صح لسانك ياعبق كل التحايا والتقدير |
| الساعة الآن 04:07 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir