منتديات ضي البدر - ‎يـاهـاجسي .. غـن طـاروق الـشعر غـنه ‎الـحق عـلى مـابقى .. والا الـ

‏‏

‏

‏
‏.
https://youtu.be/PnTtHGqHNnk?si=6aF7d1ss1nxYYDmw
‎يـاهـاجسي .. غـن طـاروق الـشعر غـنه
‎الـحق عـلى مـابقى .. والا الـعمر فـاني

‎ويـاصدري اصبر مثل صبري على الونه
‎يــاطـول صـبـرك عـلـي وشـيـن مـاجـاني

‎يــلـج فــيـك الــحـزن .. واخـفـيـه واكـنـه
‎واذا بـغـيت اشـتكي .. مـاطاوع لـساني

‎وانـــا الـلـذي لــو ظــروف الـوقـت حـدنَـه
‎يـــمــوت مـايـشـتـكي لــفــلان وافــلانــي

‎مـن سـبة الـلي عـشقته مـن صـغر سـنه
‎اتــنـاه يـكـبـر .. مــثـل مــاكـان يـتـناني

‎كــنـه خــلـق مــنـي .. وكـنـي بـعـد مـنـه
‎والله مدري .. من اللي يموت في الثاني

‎ابــيـه .. واقـــدره .. واغـلـيـه .. واحـنـه
‎مـثل مـاهو .. يرخص الدنيا على شاني

‎كــم واحــدٍ .. مـا غـدت بـقعا عـلى ظـنه
‎لـو هـو عـلى الـكيف .. مـاقفى وخـلاني

‎نـبـغـا مــن الـحـظ .. والله مـاعـطا مـنـه
‎يـــامـــا تـمـنـيـتـه .. ويـــامــا تــمـنـانـي

‎يـسـوقـنـي خـافـقـي لـلـوصـل .. واعــنـه
‎ولــولا غــلا صـاحـبي .. مـاكـان عـناني

‎مــــن اول يــزورنــي مــحــدٍ درى عــنــه
‎والـيـوم عــذره .. بـلاي .. عـيال عـماني

‎يـابـو عـلـي .. صــار لامــن مـرنـي كـنه
‎يـسـتـعـجل بـخـطـوتـه لــجــل يـتـعـدانـي

‎واجــيـه .. واقـدامـي الـلـي كــل مـاجـنه
‎يــردهـا سـلـم ابــوي .. وسـلـم جـدانـي

‎الــعـيـن فـــي شـوفـتـه .. لامـــر مـمـتـنه
‎يـاجـعـل يـسـقـى عــلـي قــدام يـجـفاني

‎الـهـجـر طـــوَل .. وقـدنـي مـبـطيِ مـنـه
‎واخــاف اذا زيــد جـا .. مـاعاد يـلقاني

‎الـقـلـب يـصـبـر عــلـى فــرقـاه .. لـكـنـه
‎الـى طرالي .. وانا في الليل .. سراني

‎ان كــنـت انــا غـالـيٍ فــي نـاظـره فـإنـه
‎غــــلاه يــجـري مـــع دمـــي وشـريـانـي

‎لاصــار مـابـه عـشم لإبـليس فـي الـجنه
‎احـسن لـي اعـيش بـاقي العمر وحداني

‎ولــو ســج مـني .. عـساني مـاخلا مـنه
‎والله مـنـسـاه .. كـــود الــمـوت يـنـساني

‏

‏

‏

‏