منتديات ضي البدر - عرض مشاركة واحدة - إمـِآ حضُـوْرٍ فيـِهٌ كْلٌ التمَيـزْ وُلآ بـَلاشْ مِنْ البدآْيهـٌ حُضُورْيٌ

11-01-2025, 08:23 AM

،
.

تتذكرون سالفة الحنين يوم يجيب الاشواق و الذكريات و يروح < اللي ما شافها يحصلها يا بالصفحة اللي قبل و الا فوق ما فيني اطلع و اشوف مكانها

المهم ذا المره حشرت الحنين قبل ما يروح

طيب بما اننا الحين اربعه:
انا و الحنين و الشوق و الذكريات
ودكم نقلبها بلوت و الا نسولف ..

ودكم نسولف:
نسولف ليه لا

و دام كذا انا بطرح عليكم سؤال ي الثلاث
من اقوى واحد فيكم !؟

وش فيكم تناظرون فبعض جابوا

اشوف الحنين بعيونه حكي المايك معك :
بقول بكل تاكيد انا الاقوى
بقولكم ليه :
لاني انا اللي اجيك فجأه و اقفز من فوق اسوار النسيان و لا كأني اشوفها ..
ما تدري الا انا مطبح عليك لا احم و لا دستور ..

اشوفكم ساكتين ي الذكريات و الاشواق ..
يعني تأيدون كلامه ..
ايه ايه و هو صادق ..
لاني انا يا الذكريات ما اجي الا من بعده..
هو اللي يفتح لي الابواب ..
و انا ثاني واحد بالقوه ..
و بعدي تجي الاشواق ..
لان رياحي هي من تشعل نارها ..

و يكون الختام مع الاشواق اللي تهد حيلك و ما تتركك الا و انت تجر ااااااه ورى اااااه ..

و يلفت نظرنا كلنا شي بالزاويه منكفي على نفسه ..

الا و هو : النوم ..
ليه ما تجي تشاركنا ..
اسف مع وجود ذا الثلاث مالي مكان و لا اشعر معهم ب الامان ..
طيب طيب لا تبعد
بحاول اصرفهم مع انهم انهكوني و ليت احصل عندك لي علاج ..

و الحين المايك معكم هل تتفقون مع من الاقوى و الا لكم راي اخر ..

شوق ,رونــــــق ,جنون الورد ❀ و 4 آخرون معجبون بهذا