،
مساء السعادة
دايم اقول احب اخلي الاحد الغثيث إيجابي وحلوو
وهالمرا صار من ربي كله ايجابيه ويوم سعيد وجميل
رغم ضغط الشغل
اليوم قلت للبنات يالله حبيباتي سجلاتكم
قالوا اليوم قلت نعم طلعي الواجب اللي سويتيه من شغل ههههه
وحده قال ماسويت .. والثانيه ماكتبت واللي مو مكمله
قلت روحي غشي من رفيجاتج ههههههه
قالو خوش مسؤلة قلت شسوي فيكم عجزت وربي
عندي سكرتيره ع يوم بذبحها
أصغر وحده فينا من مواليد الألفين
بس تجلطني برووود قلت انا حابه برودج
بس الله يخليج اخطاء مابي :/
ذاك اليوم ساحبه طلب اجازه لوحده وهي مداومه
وراحت الاجازه هذي المصيبه الكبرى
وطبعا دريت صدفه جايه تقولي وحده منهم
تقول شلون هذي مداومه قلت شلون مو طالبه اجازة
واشوف الاسم نفسه لكن تفرق القبيله
وانا بنفسي قايله للبنت هذي سوي لفلانه وحطيه ع مكتبي
قلت ناديها قالت شنو بتسوين راحت قلت انتي ناديها
يوم جت تقول مو انا هههههههه
قلت صدقيني خيالج انا متأكده ياراسي
على كثر مارقع وراهم احس المديره تنجلط مني ههههههه
اقولها حرام اول مرا وانا أكلها
يالله اشوه حطيت سجلات لكل وحده عشان كلن ياخذ حقه
وبس والله من زمان ماتحلطمت من الشغل
