،









هالاسبوع من كثر الضغط والزحمه
بين المدارس والدوام والنوم المعفوس
تصير روحة السوق اللي نحبها احنا كـ بنات متعبه ههههه
مابي اطلع نهائي ومشكله لازم أروح عشان بعضهم مو موجوده بطلبات او اون لاين

ذاك اليوم رحت السوق بخلص باقي شغلي
رحت العصر مابي الزحمه لان الزحمه فضيعه
مع عودة المدارس شي مو طبيعي
طلعت 4 وشي العصر
واخلص بسرعه بسرعه
مريت ثلاث مولات كلهم يم بعض
خلصت يمكن 7 وطبعا الليل بدا الشارع يسكر
والطلعه بنص الزحمه لازم ادشها
كنت ببجي ابي قهوه راسي بينفجر وذا وقفت اهني
ماراح اخلص ff5
قلت بعكس السير لا وصلت عند تحويلة الإشارة
واخذ الشارع اللي يمه بدال حوسة لفة كامله

ودشيت بالزحمه ولا نلف صوب شارع الاشاره
ولا فيه دوريه قلت لا خربت خطتي
المهم قلت خل اغامر واقوله استأذن هههههه
والمهم يالله تمشي السيارات
لين وصلت قريب صوب اللفه اللي باخذ عكسها
طبعا الدوريه واقفه بالنص والشرطه نازله تنظم
قدامي سيارات قلت بشوف يمرون مايمرون
ولا وحده مرت كل واحد محترم عمره وماشي
قلت انا راسي صكني بتصرف
يوم قربت .. فكيت الدريشة
قلت للشرطي يعطيك العافيه
ابي امر مالي حاجه هناك وبطلع عكس أقرب
ان دشيت بالزحمه بتاخر :(
طالعني قال اطلعي قلت ها ؟
قال اطلعي بسرعه فوق تحت
قلت الله يوسع لك وفر علي ساعه بالزحمه

صج زحمه المدارس فضيعه يمكن تخف ع الأسابيع الجايه
ونخلص :/