تدري انّك بالغلا تسوى عيوني
والله انّك بالـحنـايـا في مـكانك
ما رحلتي من خيالي والجفوني
أذكرك واذكر مزوحك من جنانك
كل همسه قلتها أروت ظنوني
لين قلبي إرتوى صافي حنانك
وارتوى من عذب صوتك والشجوني
قلب خلّـك يا عسى يبطي زمانك
والمشاعر من حروفك يذهلوني
يا جمال الحرف لا خطّـه بنانك
من جماله كنّـه الديم ومـزوني
لا رسمـته رابـح ٍ دايم رهانك
يا كناري لا سجع عذب اللحوني
في مسامع تعشق النـّـغمه بلسانك
يا مزلزل بالهـوى دفـّـة سكوني
في همـوسك يا رقيقه في لحانك
لو لـفـاني غيركم واغرى عيوني
ما يقرّب صوب قلـب ٍ هو أمانك
j]vd dhgygh