منتديات ضي البدر - عرض مشاركة واحدة - إمـِآ حضُـوْرٍ فيـِهٌ كْلٌ التمَيـزْ وُلآ بـَلاشْ مِنْ البدآْيهـٌ حُضُورْيٌ

11-26-2025, 02:32 AM

.
،

صباحكم ابتسامه ترتسم على كل اوقاتكم

الا ع طاري الابتسامه خلوني اعلمكم ذا السالفه< اخلص علينا يا كثر هذرتك

هذا سلمكم الله ..
نزلت السوق بأخذ لي غرض
و يوم دخلت المحل اللي ابيه
اول ما دخلت ابتسمت و سلمت
و جاني الموظف و رد السلام و الابتسامه< ركزوا بالابتسامه ترى كل السالفه عليها

و حسيت في شي غريب من ردة فعله

الا و هو يقول :
تصدق اني نسيت متى اخر مره دخل علي زبون يبتسم

عاد و انا اصرف له ابتسامه ثانيه

و اروح اخذ الغرض اللي ابيه
و يوم جيت احاسب و قالي السعر
انا عاد اللي استغربت هنا

لان اعطاني سعر مخفض بالمره
اقرب انه يكون سعر رمزي < متعوب على ذا الكلمه

و قلت له مو معقوله ذا السعر
احس انك بايعني بخساره
قال ابد ما في اي خساره يكفي الابتسامه اللي دخلت المحل فيها
< ادري بتعرفون الغرض اللي اشتريت
لكن خلكم لن اشبع فضولكم

المهم عاد من بعدها صرت قبل انزل اي محل
من السياره اكون مبتسم

و مرات تزبط و مرات تزحلطن

و انتم عاد اعتمدوا الابتسامه
لكن ما ادري عندكم زي ابتسامتي الساحره و الا من جنبها

و بجد عاد
وش بيخسر الواحد لو ابتسم حتى انه بيكسب اجر
يعني و بشي بسيط ..
و اعتبره تمرين لعضلات الوجه بدل الكشره اللي تسد النفس

و يلااااا كلكم كذا اعطوني ابتسامه قبل ما تطلعون < بس ترى ما عندي شي اسوي لكم عليه تخفيض

و الحقيقه :
ان تواجدكم يرسم على وجه المدونه ابتسامه عميقه

.
.

غَيْم..! ,شوق ,عاازفة و 1 آخرون معجبون بهذا