منتديات ضي البدر - عرض مشاركة واحدة

12-15-2025, 06:52 AM

.
.
لهفة
.
كلامك سليم 100% هولاء الناس هم الملاقيف الناس الفضوليين الناس اللي يتدخلون في امور ماتخصهم ويحرجون انفسهم ويحرجون الاخرين من خلال أسالتهم اللي مالها لزوم .'.
ذا الحين وشهوله تحرجون حصة ومنيرة ونمشة ماتزوجو؟
يعني بالله بيقولون نحب خالد او فهد او لنا علاقة بولد الجيران ولسوء ظروفه ما تقدم للخطبة ؟
او بيقولون لكم ماحصلنا الكفو ؟
او بيقولون لكم خايفين من تجربة الزواج ونطيح في زوج يورينا نجوم النهار او يأفلانه دوري لنا زوج على دربك وانتي رايحة الكافي ؟
.
والا الثاني اللي يسأل كم راتبك .
وش تبغو براتبه ؟
بتسلف منه ؟
بتحسده على راتبة ؟
بتقارنه براتبك ؟
كل شي وهذا السوال الفضولي القليل الادب صدق ناس مغسوله وجيهم بزيت عافيه محروق لا يستحون ولا يقدرون خصوصية خلق الله .
.
المشكله تدرين وين ؟
في بعض الناس اللي يستحون او الناس اللي مايحبون التدخل في شؤونهم الخاصة عندهم فوبيا من هذه الاسئلة هنا تكبر المشكله يجيهم صدمة ويكرهون المجتمع او هذه الفيئة .
.
لكن الشخص المتمرد وصاحب الشخصية القوية والملكع والذيب ماعليه منهم الملاقيف الفضوليين بيدخلهم من هنا ويطلعهم من هنا وانا احب أطقطق على هولاء الملاقيف ولا أعطيهم الحقيقة ادبل كبودهم وأغثهم واحاول بقدر الامكان تشتت ذهنهم ولا اشبع فضولهم بالمره .
.
.
مقال جميل وهادف
.
دمتي بخير
.

لهفة ,ĂĐмйŤ.7βĶ معجبون بهذا