حبيت اسمي يوم قلته ياغالي

مافيه غيرك إنشغل فيه بالي
لا والذي سوى عيونك وأبدع
حيّاك إدخل وسط قلبي يا غالي
ودامك في قلبي يا حبيبي تمتّع
خايف أغمّض ما أشوفك قبالي
والعين من إحساس هالخوف تدمع
عطني همومك يا سبب إنشغالي
وإنته في قلبي يا حبيبي تربّع
هذي بداية حب والعشق تالي
ياللي خفوقي في غرامك تولّع
مَ أهتم في غيرك ولا صرت أبالي
جنّنتني والعقل بالحب مَ ينفع
الحب لك في واقعي وفي خيالي
وقلبي أناني فيك وبالزود يطمع
لا تقول : طوّلنا وتعد الليالي
اللي يحب مهما عطيته مَ يشبع
إن قلت إسمي قلت : يا ويل حالي
في صوت عالي عيد لنّي مَ أسمع
حبّيت إسمي يوم قلته يا غالي
ودخلت قلبي ومنّه ما راح تطلع
القلب بيتك وأصلاً البيت خالي
سوّه على كيفك وذوقك تمتّع
إسمي حبيبك وإنته إسمك حلالي
إي والذي سوى عيونك وأبدع

ملكة الحنان ,لهفة ,هاوية الصمت و 3 آخرون معجبون بهذا

عين غلاتي ,ĂĐмйŤ.7βĶ ,جنون الورد ❀

المصدر: منتديات ضي البدر

---

pfdj hsld d,l rgji dhyhgd