لحـظة خـيـال في ظـل العنب كنت متهـــني

. ༺❀༻على جناح الهوى༺❀༻.
غنِّ لي يا حمـامَ الدوحِ بـعــالي الصـوت غنِّي
كود تبرَىٰ جــروح قلبي وينسىٰ أول عـــذابه

ألا ليت الهــوى لا مـال على جـنـاحه يردفني
وأزور اللي تعـــزف على قلبي عـــزف الربابه

مياسـة القد، حـلوة الخد، بعيـونها تسـحرني
شـعرها الشـلال إلى الخـصر، مدلهم السحابه

إلى من مشينـا في عــــز الشمـس به تظللني
كأني في دوحــة أزهـارها وأشجــارها غــابه

والوجه كالقــمر في الليـلة الظلمــاء يسعفني
والخــشم ســيف بارق، توّه طالع من جــرابه

والشفـايف من جـمــرها، أسـأل الله ينقـذني
خلفهـا لؤلؤ، وخلفه العسـل صـافي من لعـابه

والعنق يا الصارم، عنق غزال شوفه يجذبني
سبحـان الله الخـالق الرازق عـظــيم المهــابه

والصــدر بـسـتـان زاهـي، تفاحتيـنه تفتـنـني
به ســـحـر هاروت وماروت، حسـن كله رتابه

متـكي على خصـرين، سـحر الهـوى لكل فني
والساقين غصن مـوز، شـوق المشـتاق دعابه

يلتهي العاقل، والملتهي ذاب من دون تجـني
مشي الحمـام، خفة دم، لسـر الهــاوي جـذابه

لحـظة خـيـال في ظـل العنب كنت متهـــني
سـرحـت، والفـكر صـوبهن غـدابي يا للغـرابه

ألا ياليتــني ألقىٰ مثلها فالحقيـقة بــلا تعـني
وأقـول: رزق ساقه لي، ولي العرش يا هـلابه

الشاعر/ حمد بن فهد المخالده السبيعي

رونق ,البدر ,جنون الورد ❀ معجبون بهذا

المصدر: منتديات ضي البدر

---

gpJ/m oJdJhg td /Jg hgukf ;kj ljiJJJkd