من عيوني جروح المقادير منجِبته

من عيوني جروح المقادير منجِبته

لعَمْري لضيّع كل عمري وأنا أتحراك
وصالك مُقدمته وفرقاك عاقِبته
تلوّمت في دمعي ودمعي على لاماك
من عيوني جروح المقادير منجِبته
غيابك ف ذاكرتي لا جيت أكتبك وأقراك
تراه الغياب اللي لها الحين ما غِبته
هنا هايمٍ مصلوب قلبه على رجواك
على مايده من فقد والشوق مأدِبته
هنا شاعرٍ يسري من الضيقه لذكراك
ويعرج بعد مسراه لآفاق موهِبته
هنا والهِنا لو كان راحت معاك هناك
بقول الوله ذنبٍ من ذنوبي وتِبته
يا كم كنت أفتّش عند بيتك على ملقاك
كأنه سؤال وكنّ جيّاتي أجوِبته
جحد بابك بصمته خطاوي تحب خطاك
وأنا أقدامي أعز الصديقات لعتِبته
مراكب عتابي كلها ترسي بميناك
ولا أذكر بقالي طيب ف الحب ما طِبته
رحلت وربيع العمر عني رحل ويّاك
وبقى قلب جفّ وريح طاريك متعبته
تعال أسرق الوسواس من عقلي الشكّاك
جزيل أمنياتي روس الأحلام كاتِبته
ولا تعتذر عن ظلم بعدك وطول جفاك
إذا جبت نفسك ما بقى عذر ما جبته

Albadr ,عين غلاتي ,ĂĐмйŤ.7βĶ و 1 آخرون معجبون بهذا

هاوية الصمت

المصدر: منتديات ضي البدر

---

lk ud,kd [v,p hglrh]dv lk[Afji

سلمت يداك على الطرح الطيب
‎‏‎لاعدمنـآ هذا التميز
‎‏‎يعطيك ربي العآفيه
‎‏‎بـ إنتظار جديدك بكل شوق
‎‏‎لك وآفر الشكر

،





صح لسان قايلها
تسلم ايدج على النقل
ذوق

كل الشكر والإمتنان على جماليه طرحك ..
وروعهـ مانــثرت .. ..

كلمات تعبق بالحب والجمال
وحروف صاغتها أناملك الرقيقة

معزوفة رائعة ترنمنا بلحنها

دمتي بكل الحب والخير والجمال

يعطيكم العافيه لتواجدكم

يعطيك العافيه
طرحَ عَذب ..!!
أختيآر أنيق وحضور صآخب
سلة من الوردَ وآنحناءة شكر لسموك