البارحة ربي كتب لي ومريت ..
..دربٍ عليه بروق الأحباب لاحت
*
*
جيت المكان اللي جمعنا وخفيت ..
.. وقامت جروحي للجوارح وصاحت
*
*والتم غيم الدمع من يوم لفيت ..
.. وورقا القصيد لشوفة الغيم ناحت
""
*ياليتني في لفة الدرب زليت ..
.. كان العيون من الدموع استراحت
*
ضحكت ماأبغى الناس تدري يبالفيت ..
.. لكنها غصبٍ على العين ساحت
*
*
حارت دموعي في عيوني وصديت ..
.. وأرمشت ابيها ماتبين .. وطاحت
*
*
وعقبه برق في العين براق .. واسقيت ..
.. خدي ووناتي بصدري تلاحت
*
*
وأنا أحسب إني في فراقه تشافيت ..
.. وان عبرتي من مدخل الزاد زاحت
*
*
اللي يحسب إني على البعد سجيت ..
.. والا ان عيوني للرقاد استباحت
*
*
ياليتني من قبل لا أحبه اقفيت ..
.. والا ان دروبي عن دروبه تناحت
*
*
أهون علي من البكا والتناهيت ..
.. وأشلا من سدودٍ على الناس باحت
*
*
عرفت كيف الحي يفرق عن الميت ..
.. وعرفت قيمة نعمتي يوم راحت
*
*
قولوله اني عقب بعده تدانيت ..
.. ورجلي عن دروب المعافين شاحت
*
*
البعد نار وطاعة العذل كبريت ..
.. يقصر على بعده .. ترى الكبد فاحت
*
10-08-2025, 08:14 AM
غيم الدمع
العرض العادي
