امانه انسى ياقلبي

امانه انسى ياقلبي

كفايه بس ياعيني كفايه تهلي الدمعات
علامك ليش مو مصدقه بانه حب له ثاني


كفايه وخلينا ندفن بقايا حبنا اللي مات
انا مليت ياعيني وحيد جالس لحالي


مدام حب له ثاني وجتني طعنته بسكات
ابمشي وابتعد وارحل ياعيني يكفي ما جاني


مدام حب له ثاني اعيش بهم وبحسرات
ولا افكر انا ياعين بشخص راح وخلاني


صحيح ما اتحمل فراقه ولا اتحمل الاهات
ولاكن مابيديني شي هو قرر ينساني


خدعني بكلمه احبك وبعدك مابديت ابات
افكر في عيونك لين ماحبك تغشاني


خدعني والله ياعيني وربي عالم النيات
خدعني لين ماحبه سكن في قلبي ووجداني


سقيته حبي وعطفي سقيته اجمل اللحظات
وهو جمع جميع الحزن بكاس وهو اسقاني



امانه انسى ياقلبي وعيني انسي اللي فات
ومثل ما خانني ينخان مصير الخاين ينخاني


وكثير من البشر ياعين يبون مني ولو نظرات
وكم واحد ترى جاني وحلف لي انه يهواني


وانا اترجاك ياعيني رجاء في اخر الابيات
رجايه (اعشقي ثاني) مثل ( ماحبله ثاني )


وكفايه بس ياعيني كفايه تهلي الدمعات
على خاين نسى حبي وراح يحب له ثاني

رونق ,Albadr ,الــوافــي معجبون بهذا

المصدر: منتديات ضي البدر

---

hlhki hksn dhrgfd