صباحكم سعادة يارفاق
بما اننا اجازة وزعلانين لانها بوقت غلط
الناس مطفرة انتو مستوعبين ان الراتب يجي لما تخلص الاجازه هههههههه
يلا عني انا قاعدة افش غلي بالمطبخ
امممم اليوم اشتهيت خلية
بس من الكسل مافيني اكورها ههههه
قلت يلا اجرب كيكة الخلية وطلعت تجنن يابنات
انا اول مره اسويها صراحة ما كنت مقتنعة فيها
المهم جربت وطلعت لذيييذه وسهله وما تاخذ وقت
يلا نبدأ المقادير
علبة حليب مركز
ربع كوب ماء دافي
ثلاث ملاعق سكر
ملعقة صغيرة خميرة
ربع كوب زيت
نصف ملعقة صغيرة بيكنج بودر
كوب دقيق وجبن كيري
طبعاً الصينية اصغر واحدة بالطقم
اذا حابين تعملو صينيه اكبر دبلو الكمية
نخلط كل المقادير
ونصبها بالصينية
ونقطع الجبن
ونرصه فوق العجينة
ونرشها حبة البركة
وندخلها الفرن
ولما تستوي نحمرها شوي
نطلعها ونعمل فيها ثقوب بالعود الخشبي
ونسقيها شيرة
طبعاً انا دايما اعمل صوص للخلية مرة لذيذ
ربع زبده ، ملعقه سكر بني ، ربع كوب كريمة خفق
قرفه نخلطها مع بعض نقلبها على نار خفية
لين تبدأ تغلي
ونرشها فوق الخليه قبل التقديم
وبالعافية عليكم
11-23-2025, 02:06 AM
كيكة خلية النحل (مطبخ رونق)
العرض الشجري
