‏دام في صدر الهواوي شوق يا النفس الطليقه

‏دام في صدر الهواوي شوق يا النفس الطليقه

دام في صدر الهواوي شوق يا النفس الطليقه
‏دوري لك عذر في قربي و اجي لك من بعادي

‏في الطريق .. اللي بيوته طين و رسومه عتيقه
‏مستعد اخسر جميع الناس ، لو أخسر مرادي

‏راحم ، الذاوي من الاغصان يومه جفّ ريقه
‏يحسب اني جيت له بالماء ، وانا جيته مفادي

‏كان يبغاني بعد طول الغياب ، اشعر بضيقه
‏جلّ شان اللي عطاني صبر من صبر المهادي

‏ما أنسلب حقي ، و انا عاقل تماشى مع طريقه
‏كيف يوم ابعد عن الادراك و اطغى في التمادي

‏كل صبحً .. ما تعلت خطوتي هامة طويقه
‏مستعد أطبع على صدر السماء حافر جوادي

‏يا العيون .. اللي تحرى بالثواني و الدقيقه
‏واجد ، اللي حاولو قبلك .. و جفلّهم عنادي

‏معدن الألماس لو يطمْعِك في سعره .. بريقه
‏ما طمع بك قلبي ، اللي كنه أثبت من شدادي

‏البشر .. ما الله خلقها تحمل اللي ما تطيقه
‏لا تعادي من تحبه .. لو تحب اللي تعادي

‏انت ، مثل اللي يحب الكذب و يعاف الحقيقه
‏لا ادرك انه ما يدل الدرب ؟ يسري فيه غادي

‏لا تحسْب إليا رجعت ، أشبّ في همّك حريقه
‏و أرخص لعينك سهر جفني وابالغ في سهادي

‏لو تعيد .. اللي مضى من بيننا بـ أصعب طريقه
‏مستحيل أستوعب " المُلّفت " بعد ماصار عادي

صوآديف ,عين غلاتي ,هاوية الصمت و 1 آخرون معجبون بهذا

وفي بطبعي

المصدر: منتديات ضي البدر

---

‏]hl td w]v hgi,h,d a,r dh hgkts hg'gdri