علوم الطيب ياخالد لها بارق
ولا به بارق الا ينسمع رعده
ما بيني وبينك الا طيب ومزارق
واعرفك شخص له تفكيره وبعده
يحن الشعر بعدك حنة مفارق
على رجوى الخليل اللي قطع وعده
فداك اللي بلذات الهوى غارق
ما يدري ان الهقاوي فيه مرتعده
يحسب ان الشعر على المرجله شارق
وهو قالها من الطيب مبتعده
ويقول انا الفهيم الشاعر الخارق
وهو عنه مثل بكين عن صعده
لازلت اتوق للمستقبل الشارق
وشهر شوال عقبه شهر ذي القعده
اشرع بابي ولا بسأل الطارق
ولا منه سألني يبشر بسعده
ولو يسرقني المستشعر المارق
عذرته والفقر له قومه وقعده
نهار الجوع ما بقطع يد السارق
ولا هو كل جايع جايع المعده
ترا الشعار واجد لكن الفارق
احد شعره قلط قبله واحد بعده
12-06-2025, 08:30 PM
ما بيني وبينك الا طيب ومزارق
العرض الشجري
