أنا هـذا الحضور اللي غيابه ما عرف يلـقاه ..

أنا هـذا الحضور اللي غيابه ما عرف يلـقاه ..

نشف ريق السراب ولا ملت عين الطريق خطاه
قسـا طين الكلام ولاقسـا..زاد البلل طـينه

شرب مر السكوت من الحروف اللي تبي تقـراه
وسجد كفر القصيد لدفتري لين اعتنق دينه

غرقت اكتب كلام ما نجيت إلا ..عـشان أقراه
ونجـيت أقرا عذاب ما غرقت اكتب عناوينه

ترا هذا الصواب اللي خطاه أن الصواب اخطاه
وأنا هذا الصويب اللي خطاك انك تحبينه

أنا هـذا الحضور اللي غيابه ما عرف يلـقاه
وأنا ذاك الغياب ..اللي حضوره ماعرف وينه

أنا ذاك البعيد اللي يموت..! ولا يعيش اقصـاه
وأنا هـذا القريب اللي مبعـثر بينـه وبينـه

أنا صوت السكون اللي سمع غنج الصدى وأغواه
بكى حتى. بكى حتى . بكى. من حسرته عينه

عسى صبح الوضوح ليا سرى ليل الغموض وتاه
يجـي مثل الضرير اللي يمـد الشوف بيدينه

ذكرت آني نسيـت اذكر كلام..! ما نويت آنساه
ولكني ذكرت انك نسـيـتـي ما تعرفـينه

أنا من معشـر الأنس الاوادم.. أولياء الله
و أعيش بعـالم:...(الجـن تعّوذ من شياطينه)

نشف ريق القصيد ولا نشف ريقه شرب معناه
سقا طـيـن الكلام ولا بعد هذا القسا طينه.

Albadr ,جنون الورد ❀ ,عين غلاتي و 1 آخرون معجبون بهذا

معاند الوقت

المصدر: منتديات ضي البدر

---

Hkh iJ`h hgpq,v hggd ydhfi lh uvt dgJrhi >>