قبل آدوّر ورى الدنيا - نعيمٍ مقيم

قبل آدوّر ورى الدنيا - نعيمٍ مقيم

عرّضوا نافذة صدري هبوب النسيم
ملّت النفس - من ذكرى فراق ولقا

ودي آسجّ رجلي فـ البسيطة واهيم
وآتتّقى عن « عيون البشر » في تقا

خيبة ظنوني اللي وقعها فالصميم
من تجرّع " مرارتها " ما عاد يهقى

الله يلوم من ( لاموا ) شعور اليتيم
الفراغ أكبر من آحباب ومن آصدقا

ما يعيش السهر دور الوليّ الحميم
غير لا صارت ظروف الزمان محقا

وانت يالغيمة اللي خلّت الارض ديم
ما بقت لي - كثر ما قلت دام البقا

من لقاك العوض عن كل جرحٍ قديم
واكتفى بك عن اللي راح واللي بقى

حتى في صدمته كنت الجواد الكريم
صحّت احساسه المليان طهر ونقا

قبل آدوّر ورى الدنيا - نعيمٍ مقيم
كمّ من إنسان دوّر قبلي .. وما لقا

النعيم الحقيقي في جنان النعيم
ما على وجه الارض الا حياة الشقا

ĂĐмйŤ.7βĶ ,جنون الورد ❀ ,عين غلاتي معجبون بهذا

المصدر: منتديات ضي البدر

---

rfg N],~v ,vn hg]kdh - kudlS lrdl