مداهمة عضو في منزله

المشاركة الأصلية كتبت بواسطة لهفة

معليش على التأخير
كنت اجهز لكم
وكمان معليش مره ثانية بدون صور
لأنه من الجوال

،

،


‎السلام عليكم ورحمة الله وبركاتة

‎اليوم حنا اليوم في ضيافة الأخت لهفة

‎وعزومة غير متوقعة في ضيافتها
‎والله يعينها علينا هههههههه

/

يا هلا وغلا والله
ارحبوا ثم ارحبوا ثم ارحبوا
نورتوا


‎مساء الخير لهفة ؟

مساء النور والسرور

‎حضرنا عندك اليوم جميع أعضاء الضي ( شرايك بالمفاجأة ) ؟

حياكم الله
احلى مفاجأه

‎وماهي الأصناف التي راغبة أن تعزمينا عليها ؟

‎الفطور :

جهزت لكم
شكشوكة و فول و عدس
وكمان مناقيش زعتر وجبن
بان كيك
فرنش توست
مع الحليب والشاهي والقهوة للي يحب

‎الغداء :

كبسة لحم
كبسة دجاج
شيخ المحشي مع رز ابيض بالشعيرية
سلطة الخيار والزبادي
الحلى كريم كراميل
مع العصير واللبن

‎العشاء :

صينية مسقعة
صينية مكرونة بالباشاميل
كرات البطاطس
ساندوتشات دجاج
ورق عنب
سلطة سيزر
مع العصيرات



/

‎بسألك ( لهفة )

تفضل

‎من علمك الطبخ ؟

امي وأختي وكتاب الاقتصاد المنزلي أيام الابتدائي

‎ما أول طبق تعلمتِ طهيه؟

امممممم مدري وش اسمه بالضبط
بس أتوقع كورسان السميد

‎ما هي اجمل اكلة في حياتك ومازال طعمها في قلبك ؟

كبسة امي بالخضار يالبيه بس
محد يعرف يضبطها مثلها

‎كم مره حرقتي الطبخة ( اعترفي ) وماهي الاكلة ؟

أنا احرق الأكل افا بس افا
مو كثير احرق الأكل هههههههه
بس هذي تكون بالغلط
حرقت كبسة لحم بالغلط
وآخر شي ها قبل أسبوعين حرقت البسبوسة هههههههه

‎هل تفضلين طبخ المطعم او طبخ البيت ( ولماذا ؟

افضل البيت صراحة
بس أوقات كذا احب أغير ابي مطعم
وليش لأنه البيت أنا أتحكم بالكمية أنا أتحكم بالملح لأني مابي الملح القليل احب الملح زايد تكه

‎هل تفضلين الطبخ الشعبي عن الطبخ الكلاسيكي ؟

لا كلهم حلوين ولزيزين

‎وماهي الوجبة التي لا تستغنين عنها ابداً ؟

وجبة الغداء

‎هل تحبين اكل الوالدة اطال الله عمرها ؟ وهل تذكرين شي من طبخها
‎اللذيذ ؟
يب يب أموت على طبخها لذيذ بس تزيد الفلفل ههههههه
امممم تسوي ألذ كبسة ابو بنت وألذ إدام

‎حسب رأيك من الأفضل في الطبخ ( الرجال أم النساء ) بدون تحيز تمام ؟

ما أتحيز بس النساء افضل

/

‎ختاماً :

‎من من الأعضاء والعضوات ودك تقعد عندك في المنزل وما تروح ؟
‎حددي واحده بس ؟
‎او ثلاث مافي مشكلة ؟

جنون الورد وادمنت حبك و رونق
عاد ليش بس ثلاث ظلم

‎من من العضوات يبهرك طبخها في المنتدى ؟

رونق و صواديف و متباهيه

‎كثر الله خيرك يالهفة ونبي منك كلمة أخيرة ؟

آمين الله يغنيكم
سعدت بهذة العزيمة
وتمنيت لو أنها حقيقة
كنت مستمتعة جداً وأنا اختار الأصناف والأطباق التي أريد تقديمها لكم
بكل حب واخلاص


نخب
يعطيك العافية
أتمنى ان أكون استقبلتكم أجمل استقبال
مع انه خرشتوني هههههههه
بس جد استمتعت والله

ببخركم بالعود لا تطلعون

ابد ما تاخرتي جيتي بوقتك

يوه ما شاء الله ماني عارفة وين احط يدي صراحة
وكلة اكل احبه يمي يمي لا حد يقعد جنبي
ابي اخذ راحتي بالاكل
وتسلم دياتك على العشاء اللي مل طبق اجمل من الثاني
برغم اني ما اتعشى هالفترة بس يلا ما اقدر على هالمنظر

وي بعد قلبي اللي تحب طبخي فدوة
بس ودي اسالك عادي نصير رفقات انا وامك
دامها تزبط الكبسة لا وابو بنت بعد يم يم
الله يحفظها لك ويسلم دياتها والله ربت بنت سنعة بعد
يسعدكم يارب

بس قاعدة اضحك من حرقك للاكل بالغلط هههههههه
يسعدك ونشكرك على حسن الضيافة

♥мs.мooη♥ ,نَخ ـــبْ الَأحَْ ـــلامِ ,ĂĐмйŤ.7βĶ و 1 آخرون معجبون بهذا

لهفة