.
.
اختي رونق
.
لا منتي شريره ولا شي ههههههه إلا مربية ماشاء الله تبارك الله ونجحتي في خطط تربيتك أهنيك على هذا الإنجاز .
شوفي .. أنا مثلك ومربي اجيال وحريص كل الحرص ع الاسرة وعلى تربية الابناء واعرف تماماً الطرق والأساليب الصحيحة في التربية بفضل الله .. طريقتك في العقاب اللي انتي متحسفه عليها هي الطريقة الصحيحة في مثل هذا الموقف عقاب مرة وحده ولكن متاكد عدل مسار العيال وزرع بقلوبهم عدم تكرار الخطأ مرة ثانية ومن خلال هذه العلقة طلع لهم قلب وطلع بداخلهم رهبة الأم وعرفوا خلفهم بيت يحاسبهم ع كل صغيرة وكبيره .
عقاب في محله .
.
شوفي .. طالما فتحنا موضوع العقاب للأبناء أنا واحد كل عيالي ضربتهم وجلدتهم على الاخطا اللي ارتكبوها ولكن وش النتيجة ؟
النتيجة الله يسلمك ويخلي لك عيالك افلحوا وطلعوا متربين ورجال يعتمد عليهم ويعرفون الصح من الخطا بالذات في الاحترام والتقدير واحترام الكبير والعادات والتقاليد وأسلومنا المعروفه .
الضرب .. البعض لا يستخدمة .. ويتعيبونه ويكرهونه والبعض يعتبره تخلف ورجعية وعدم تربية صحيحة وحديثة وانا اقول .. ضرب الطفل او قرص أذنه إذا اخطأ افضل من تركه بدون عقاب او معاقبته بعقاب آخر لا يودبه ولا يعدل مساره .
قرصة واحده .. ضربة واحده ههههه صدقيني تعدل مسار الطفل طول حياته .. آباءنا وأمهاتنا ضربونا ضرب مبرح الله يرحم الميت ويطول عمر الحي ومع ذلك طلعنا يعتمد علينا وحنا صغار وجيل قوي يعتمد عليه ولا اثر علينا العقاب الجسدي ولا فشلنا .
.
لكن العقاب الجسدي القوي والمستمر والعنيف أنا ضده وهذا له تبعيات نفسيه خطيره ومؤثره ع حياة الطفل حتى إذا كبر .
دايما الاعتدال في العقاب له تاثيره الايجابي مع الطفل وله تبعيات مفيده تنعكس ع شخصيته وقوتها ويعرف يميز الصح من الخطأ .
.
اختي الكريمه .. احيانا الطبطبه والدلع لها اثار سلبية على النشئ وتؤثر تاثير سلبي في شخصية الطفل ولا يفلح باللهجة العامية .
.
اجمل هذره .. وهذرتك هذه فتحت علينا مجال اوسع لنقاش وتبادل وجهات النظر .
.
اسعدتيني بجميع مداخلاتك واذا باقي عندك شي هاتيه إذا صحصحتي
.
.
12-16-2025, 05:16 PM
العرض المتطور
