مساؤكم وردٍ يفوح
ومساؤكم ضيّ بدرٍ
يزيّن ليل الحكايات
جيت أمسي عليكم
وأشارككم لحظة دافئة
من الذاكرة
لحظة رجعتني لسنين
كانت أبسط، وأجمل، وأقرب للقلب
مساء يجمع بين صورة قديمة
وروح ما زالت تحنّ لبداياتها
كأن الزمن يبتسم لنا
كل ما رجعنا له بخطوة هادئة
قبل ثلاثين سنة
كانت شمس ثانية
نفس الاسم بس روح مختلفة
كنت بنت صغيرة تشبه الحلم
واليوم وأنا أرجع لصوري القديمة أضحك وأتنهّد بنفس الوقت
أشوف طفلة
ما كانت تدري إن الأيام بتكبرها
وإنها بتصير “شمس”
اللي يعرفونها الناس اليوم
صوره مو بس ذكرى
هي باب
يفتح على عمر كامل
من الحكايات
أحسها تعلّمني إنّي مهما كبرت
في داخلي طفلة
ما زالت تضحك
على أبسط الأشياء
قبل 30 سنة
ما كان عندي همّ غير لعبتي
ودفتر الرسم
وريحة شمس العصر
إذا رجعت من المدرسة
كنت أظن الحياة سهلة
وأظن إني ما راح أتغيّر
لكن يوم شفت الصورة اليوم
حسّيت إن كل خطوة مريت فيها
رجعتني لها…
وكأنها تقول:
"لا تنسينّي… أنا البداية "
مضحك كيف بعض الصور
تكون أقوى من الكلام!
تسحبك من يدك
وتودّيك لأيام
محد كان فيها يعرف الوجع
ولا يعرف الفقد
أيام القلوب فيها خفيفة
والضحكة
تطلع بدون ما نستأذن اللحظة
يمكن تغيّرت ملامحي شوي
وممكن بس الحجم تغير على المرايه
بس والله الإحساس
اللي في الصورة… باقي حيّ
وباقي يربك قلبي كل ما شفته
هنااا حاولت اوضحها
بالذكاء الاصطناعي
على مرحلتين
صورة وحدة
لكنها رجّعتني لعمر كامل
علّمتني إن اللي كنّا عليه
أجمل بكثير من اللي حاولنا نصير له
وإن الذكريات مهما نامت
تصحى بلقطة وحدة
وإني مهما ابتعدت
عن شمس الصغيرة
تظلّ هي أجمل نسخة مرّت عليّ
ويا رب تبقى فيّ… ما تتغيّر
الله عليك يا شمس وعلى احساسك
ما شاء لله تبارك الله كنت متوقعه هالاناقه
والجمال لانك حائليه اهل الجمال والكرم والفكر
ذكريات الطفولة لا يمكن ان تنسى وليتها تعود
كنتي طفله مبتسمه وانيقه ولا زلتي تلك الانيقه
صاحبه القلب النقي والعقل الواعي
جميلة روح وطيبه قلب
ادام الله عليك الابتسامه وزادكِ علما ونجاحاً
ونشكرك على مشاركتك الجميلة وحروفك العذبه
ودامت اللحظات الحلوه بحياتك
الله عليك يا شمس وعلى احساسك
ما شاء لله تبارك الله كنت متوقعه هالاناقه
والجمال لانك حائليه اهل الجمال والكرم والفكر
ذكريات الطفولة لا يمكن ان تنسى وليتها تعود
كنتي طفله مبتسمه وانيقه ولا زلتي تلك الانيقه
صاحبه القلب النقي والعقل الواعي
جميلة روح وطيبه قلب
ادام الله عليك الابتسامه وزادكِ علما ونجاحاً
ونشكرك على مشاركتك الجميلة وحروفك العذبه
ودامت اللحظات الحلوه بحياتك
رونقي
ذكريات الطفولة فعلاً ما تنمحي
ويمكن جمالها الحقيقي
إننا نحمل أثرها معنا
ابتسامة، نقاء، ودهشة أول مرة
وإذا كنتِ
شفتي في صورتي طفلة أنيقة
فأنا اليوم أتجمّل بذوقك
وروحك قبل أي شيء
شهادتك وسام، وكلماتك دفء
حبيبة قلبي وروحي
ربي يديم عليك الفرح
ويكتب لك كل خطوة بخير ونجاح
ويخلّي أيامك مليانة
لحظات حلوة مثل حضورك