نمت نومه مااعرف كيف بس كلها احلام
بس الحمدلله احلام زينه مو كوابيس
اللي يخرب على نومة الليل الغفوه اللي تجيني بالصاله
وبنص المسلسل ههههههههههههه
امس اضبط قهوتي واطلب لي حلى واسوي لي اجواء روقان
ومع بخور وحركات يعني اني بستكن على قهوه ومسلسل
اول فنجان والثاني وانا رايحه بسابع نومه
صحيت بعد ساعه والمسلسل خلص
ورقبتي مشدوده وظهري ملتوي
ههههههههههههه ماعليكم من كل
ذا اللي يقهرني اني نسيت المويا مفتوحه بالغساله
احس كم شهر اذا مو هالاسبوع صاحب العماره بيرسلي
يقول خلاص فاتورة المويا عليك
لان مو اول مره تصير معاي
قبل شهر نسيتها من الظهر ولاا انتبهت الا لما اذن العصر
مو بقصدي بس قلت لكم فيني فهاوه
ولان غرفة الغسيل بعيده عن صالتي يعني معذوره
ايوه نكمل يعني غفوتي بالصاله تخرب علي نومة الليل
وبما اني دخلت اسولف بقول شي ،!
بجد احب اشكر كل شخص مدح مدونتي
مااعرف ارتب الكلام بس كلامكم اسعدني والله
وهذا انا احب اسولف واكتب وافضفض بين
الضحك والوناسه
في مدونات والله احب اجيها واشوف الجديد فيها
احسها تجذب بالاسلوب والكلام اللي فيها
وفي مدونات تحس اذا دخلتها انك حزين مقهور فيك الضيق
والبعض تدخل وتعرف ان صاحبها كذاب منافق ولابس الف قناع
المهم اللي يعجبني بالمدونات تكون ايجابيه مو تصنع
وتحس صاحبها يكتب كل يوم نفس الكلام هههههههههه
حب حب كل يوم خف علينا يا روميو ههههههههه
والا حزن حزن حنا مو ناقصين والله
تخيل انك تفطر وتتغدا وتتعشي وتقهوه كبسه كل يوم
هذا وضع مدونتك اذا كل يوم نفس الكلام
لاأشبه أحداً !! كأني خُلقتَ من تراب النجوم ... خلقت بروح جميلة وقلب لا يحب أن يؤلم أحد وأعشق شخصيتي هدوئي وجنوني ... برائتي ونضوجي طيبتي وشغبي وثقتي بنفسي تكفيني هذه هي أنا طُهر قلبٍ وفيضُ عطفٍ وطيبُ نيّة تختصر كل المشاعر في إبتسامة ....
12-08-2025, 06:06 PM
.gif "Ff1 (234)")
.gif "Ff1 (192)")
.gif "Ff1 (52)")
.gif ":^:")
.gif "Ff1 (8)")
العرض المتطور
