والله الكلام هذا ما يطلع الا من شخص شايف الصورة كامله
لأن بعض القرارات مهما تزينت بمسميات
تبقى غللط ولو سكتوا عنها الناس
اللي صار ما هو غياب
ولا انشغال
اللي صار تنازل واضح
والتنازل دايماً يدفع ثمنه المكان قبل اي شخص
الأماكن ما تنهار بيوم وليلة
تنهار يوم يتنازلون عن العقول
ويحسبون ان الأمور تمشي بالبركة..!!
واليوم يمكن الوضع ما يبين لكن بكرهه..!!
بيجون يسألون
وين ايامه؟
وين التنظيم؟
وين الروح؟
وقتها ما ينفع التبرير
ولا تنفع المسميات الجديدة
لأن اللي راح
ما كان مجرد اسم
كان #أساس
وماهو نقص في احد لكن كلنا كنا يد وحده
برغم قلة الكلام الا ان كل شخص عارف ايش يسوي وبدون مايشوف نفسه #اداري
كلنا كنا شخص واحد وهذا اللي ماحسيت فيه من اول لحظه دخلت موضوع القرار
وقرأته وماشفت اي شي يدل ان اللي فقدناه غالي الا من رحم ربي
وماشفت ولا حسيت غير الفرح والسرور في ردود البعض
عشان كذا فكرت اذا معاند او الاقشر مازعلوا عليه
راح يزعلون علي انا؟
للاسف انه درس قاسي لنا كلنا وتمنيت لو اني مارجعت اصلا
عشان ما احس بخيبة الظن اللي احسها الحين
وسبق وقلت هالكلام بالخفوق انه سبب رجعتي للمنتديات
والادارة تحديداً ثقتي فيه وعقليته
وكنت واثقة لما فتح البدر متاكدة راح ينجح مثل مانجح هناك
انا اليوم احس بنفس الكسر والحزن اللي حسيته قبل 5 سنوات
مره ومرتين وللاشف من ناس كنت اتوقع انهم فعلاً اصدقاء واخوان لي
#متبلد
اهنيك من كل قلبي على مشاعرك وعلى شجاعتك وتحليلك
انت فعلاً اللي ينقال عنك
حديثه صمتنا وحكمته أوقفت كلماتنا
لك كل جميل + ..
كلامك في محله، وتحليلك صادق ويحسب لك.
ما قلت إلا اللي كثير يفكر فيه وساكت.
شكرًا لك على وضوحك وشجاعتك،
والحق دايم يفرض نفسه مهما طال الزمن.
أهلاً الأستاذ متبلد
سجلت في هذا المنتدى الفتي والتي دعتني إليه الزميلة (وتين )
وشاركت فيه وكان فعلاً القدير معاند الوقت من أروع الأرواح وأنقاهم خلقاً
ولكن أجهل ما يجري وراء الكواليس
وأشارك ولكن مثل الأطرش بالزفة
حاضر الزفة ولكن لا يسمع صوت ولا إيقاع
أو مثل ذلك
الشخص الذي دخل اجتماعًا مهمًا وحضر متأخرًا
و يرى الجميع يتحمسون لكنه لا يدرك السياق الكامل
المهم
سواء كان الإداري الشاعر القدير معاند الوقت أو الكاتب القدير فارس الكلمة
كلاهما إضافة للموقع وكلاهما أهلاً للمسؤولية
وعليه نرجو أن تنفرج ظروف معاند الوقت ويعود لمكانه بجانب زميله الفارس
بما أن الموقع يبشر في خير ..يكفي اجتماع أرواح نقية ومنافسة شريفة
بين الأعضاء وجو صحي ولا يجب علينا أن نفسر كل من طلب إعفاء
أنه إقصاء هذه الكلمة ممنوعة في موقع أدبي أن تقُال وأن نتداولها
بالنهاية
سيعود حتماً معاند للوقت ويعاند الوقت ويتغلب على ظروفه
ويضيء الموقع كضي البدر ليلة 15
إن شاء الله
حين يتغير القائد، لا يعني بالضرورة أن الطريق واحد؛ فلكل قيادة بصمتها، ولكل إدارة رؤيتها وأسلوبها.
الاختلاف هنا ليس عيبًا، لكنه حقيقة لا يمكن تجاهلها، لأن الروح التي بدأت بها المسيرة هي ما يمنحها توازنها واستمراريتها.
قد تستمر الخطوات، لكن الإيقاع يتبدل.
وعليكم السلام ورحمة الله وبركاته نشكر لك طرحك الهادئ والصادق وما حمله من وفاء ولا يفوتنا هنا أن نثمّن عاليًا ما قدّمه معاند الوقت من جهد وفكر وحضور كان له أثر واضح في بناء هذا المكان وترتيب تفاصيله وقد ما نقول مانوفيه
وهو محل تقدير واحترام مهما تغيّرت المواقع والمسميات
وهناك ظروف خاصه به ومن حبه للموقع والأعضاء وولاؤه للمكان
قام بتكليفي ليستمر بنفس الروح والعطاء
وإن القيمة الحقيقية للأشخاص وأثرهم لا تُمحى بقرار ولا يغيب ذكرها من ذاكرة المكان
نسأل الله التوفيق للجميع وأن يستمر هذا الصرح بروح الاحترام والتقدير التي قام عليها
شكراً أخوي متبلد
القيادة ليست اسمًا يُعلّق، بل أثرًا يُترك.
ومن يحمل الأمانة بحق، يعرف أن السير على خطى من سبق مسؤولية قبل أن تكون موقعًا.
ليس نقصاناً فيّك ايّها الفَارِس لَكِن الزمن وحده كفيل بكشف المَقاصد.
قلت شي ف خاطر كل شخص يعرف
معاند الوقت مثل ماقلت قبل ماراح يتكرر
معاند الي هو الاقشر كان روح المكان
وحنا ماتوقعنا تسمحون له يروح وينشال اسمه
حتى لو يغيب سنه عشره هذا اقل تقدير له
عضويه خاصه لو مو حاب يكون امير البدر
انا من الناس الي ماقدر اشوف ضي البدر بدونه او بدون اسمه
ولا هو نقص في احد
لو في يدنا والقرار لنا مانسمح له
وانا كنت صاحبة منتدي واعرف الي مر فيه
واعرف انو فيه امور تمر ع صاحب الموقع صعبه
من وقت وتعب وغيره
متبلد
فتحت لنا موضوع نعبر فيه عن الي دخلنا عن هالشخص
يعطيك العافيه
صحيح كلامك، شكراً على وفائك ووضوحك، ومعاند الوقت مكانه ما ينمس وذكراه باقية.
والمسيرة ما تكتمل بتغيير القائد، لأن القيادة تختلف والإدارة تختلف، وكل فراغ يصير ما يعوضه إلا اللي يعرف وزن المكان وقيمته. ما يقدر أي غياب أو تنازل يمس المكان أو يقلل من أثره، واللي صار مجرد شهادة على قيمته اللي ما تنمحى.
القائد معاند الوقت كان مختلفاً ومميزاً
لم أعرفه الا بضي البدر ولكن ما أذهلني
هو تعامله الطيب وتقديره للجهود وتحفيزه المستمر
وادارته للمواقف بعزم وحكمة بالغه
وتعامله الأخوي مع الجميع
في فترة وجيزة أثبت للجميع قدرته في بناء الموقع
ووصوله لهذا المستوى الرائع والمميز
جميعنا نشعر بمدى افتقادنا لمعاند الوقت
ولكن ف المقابل ..
ندرك أن لكل شخص ظروف تمنعه من الاستمرار
كان الموقف مفاجئاً وصادماً لنا ؛
لكن من المؤكد انه استهلك من وقته وفكره الكثير
قبل أن يصدر قراره ليكون بعيداً عن ضي البدر ..
وندعو الله أن يكون الخير فيما اختاره الله له
وأن ييسر أموره ويسعده أينما كان ..
قلوبنا معه وندعو له في ظهر الغيب دائماً
فهو كان سبباً جميلاً في وجودنا هنا معاً
ولا ننكر فضله أبداً..
والخير والبركة فيمن اختاره امير البدر
معاند الوقت ليكون قائداً للضي
الفارس ..
الله يعطيك العافية جهودك كانت واضحة منذ البداية
والآتي يحمل لنا بمعيتك كل جميل بإذن الله
متبلد ..
الله يعطيك العافية
مساحة جميلة للتعبير عن مدى وفاءنا لمعاند الوقت
وامتناننا لعظيم ماقدم وأعطى
لهذا الصرح الراقي من وقت وجهد وحب
وفق الله الجميع لما فيه الخير
دمتم برضى وسعادة
تحياتي
كان روح المكان وعماده، والمسيرة ما تكتمل إلا بالقيادة التي تعرف قيمتها وتثبت على موقفها. أي تغيير أو غياب مهما طال ما يعوض أثره، وما يقدر مكانه أحد، وذكراه باقية كرمز لكل من عرف قيمته فقط.
انا عضوه جديده واستغرب في مشاكل
واضحه قدام الناس ان ترك صاحب موقع منصبه
وتولى صاحب موقع مكانه لازم احترامه وعدم التقليل منه
ليستمر الموقع في تميزه ونشاطه هذا مو موضوع حوار هذا
نشر غسيل امام العالم واستهانه في مالك جديد
ومفروض تتكاتفو وتتدعمو المالك الجديد لان الموقع نشيط
وحرام تكون نهايته قريبه بما انه موضوع حوار قلت اشارك الراي
سيو
بما أنك عضوة جديدة مع اني اشكك في هذا
فاجعلي حضورك موطِن خير، والتزمي حدود العلم، ولا تخوضي في أمرٍ لم يُفتح لك بابه، فالصمت عند الجهل أصدق من كلامٍ لا أصل له.
اهلا متبلد
صراحه كنت انتظر احد يفتح لنا المجال مثلك
وكان المفروض يكون معاند هو اللي سواها
من حقنا عليه نعرف لاننا مثل العائله هنا ب ضي البدر
وتعودنا منه هالشي
غلططط يروح بدون م نفهم ونتناقش معه
ي يقنعنا ب ظروفه وانا اشوف مهما كانت الظروف يجي يوم وتتعدل
او نقدر احنا نقنعه ويستمر معنا
اوك غيب شهر شهرين خمسه احنا هنا نسد مكانك ك اعضاء واإداره
اكيد الجميع ماراح يقصر
لين تتحسن الظروف وترجع مكانك
ثانيه ..
انا من زمان اقول غلط انو اذا راح او ترك من الاداره او عضو
مين يعطيهم الحق ف اخذ عضويته وتعبه
ليه م تبقى مثل م هي عشان مجهوده وتقديراً من اصحاب المكان ل كل شي قدمه
كان الصحح انو عضويه معاند تبقى مثل ماهي
ولا تروح بعد التعب والشغل الللي قدمه ل ضي البدر
المفروض تكون مجوده حتى لو لا سمح الله كانت الظروف اكبر منه ولاقدر يكون هنا
أتفق معك تمامًا.
اللي صار ما كان مجرد غياب شخص، بل فراغ تركه شخص له قيمة وتاريخ في المكان.
من حقنا نعرف ونتناقش، لأننا فعلًا عائلة، والوضوح كان أقل واجب.
والتعب ما يضيع مع الغياب؛ عضوية معاند تمثل مجهوده وأثره، ومن العدل تبقى تقديرًا له مهما كانت الظروف.
الأشخاص يُغادرون أحيانًا، لكن ما قدّموه يبقى.
السلام عليكم
انني قد كنت افضل السكوت
حتى تتبين خيوط الفجر ..
واليوم
الرجل هذا ياعرب الضي يبحث على الترند على حساب معاند والمنتدى
هذا الذي يتشدق بمعزة معاند
وان معاند كذا وكذا ...
اتمنى
ان تسألونه ماذا قدم لمعاند والمنتدى من تاريخ دخوله المنتدى حتى اليوم .. لا شي .
بمعنى ان معاند لم يستفيد من وجودة سوى رقم غير مميز .
وكان اول موضوع له هو هذا الموضوع الثقيل على حسب قوله .
نعم ثقيل في تمزيق نسيج الاخوة
هو رجال يبحث عن الفتنة بين الأعضاء
ونشر البلبلة بين الصفوف .
ولكن هيهات .
وجد اعضاء تغيرت الوانهم
و زعلانين من تنحي معاند
فقال فرصة ادق الماء في النجر
واصطاد في الماء العكرة .
بالله عليكم
انظروا لردوده
بل انظروا لرده على الفارس الحكيم .
الفارس يقول له شكرا ويثني عليه رغم المرارة
والاخ للأسف تجاهل ولم يكلف نفسه برد التحية والشكر!
بل اخذ يذكر شعارات مثالية ، مستعرضا خبرته السابقة
في منتداه المغلق .
دون أن يعلم أن الفارس كان ايضا صاحب منتدى سابق
ولديه من الخبرة ما يكفي ويلزم .
ان المتبلد نواياه ليست طيبة
انه يقرقر ويثرثر من دون وعي
معاند ومعاند ..
ويذكر اسم الاقشر كمعلومة مهمة ( ياسلام )
ياسيد
ترى اكثر الأعضاء يعرفون انه الاقشر
فلا تفرح بالاسبقية .
ويتسأل في موضوعة
اين الترتيب ؟
اين النظام ؟
وهو لم يفت على غياب معاند
سوى ايام ، ولم يتغيير شي
والمنتدى على حاله ووضعة السابق.
بالله عليكم هل تغيير شي ؟
/
الشي الاخر .. خاب مسعاك لزعزعة الصف الواحد .
فلله الحمد ما شاهدناه اليوم وامس من ردود من جل الأعضاء العاقلين.
و اصحاب الحكمة والقلوب الطيبة اكثر ممن يمشي مع الخيل ياشقراء.
اسمع يا انت
من يعز شخص فإنه يعمل من أجله.
ويضحي بنفسه ووقته .
ويبذل الجهد وراء الجهد .
هذا هو الصديق الصدوق .
انت كمن يقول كلمة طيبة اراد بها باطل .
/
يارجل سوف اقول لك كلام وللجميع والتاريخ.
اقسم وبمن احل القسم
انني اول من عارض تنحي معاند
واسألوا الفارس والبدر .. !
ولقد حذرت من طريقة انتقال القيادة.
ولكن للأسف كانت الظروف أقوى .
يارجل
انت ماتعرف من يكون الاقشر بالنسبة لي او للأصدقاء المخلصين.
الذين ضحوا بالنفس والمال والسهر .
ولست اكثر حزنا او غضبا وبكاء من اجل الاقشر .
انت معرفتك به كان وقتي .
اما نحن فبيننا عيش وملح وسنين وعشرة عمر .
فلست اكثر حزنا عليه .. استريح .
وسوف نحافظ باذن الله على ارثه وكيانه الذي بنيناه سويا
بفضل الله ثم بالاعضاء المخلصين وياكثرهم
ولله الحمد .
معاند قد حلفنا بعدم ذكر شي من اسباب التنحي
ولكن الرجل لدية ظروف ( عملية - وعائلية - وشخصية )
بالعربي الرجل يغرق ويغرق ويغرق
فادعوا له بالنجاة من الازمات التي يمر بها .
واحب ابشركم ان الأيام ستفاجئنا بالأمور السعيدة .
فمن يتخلى في وقت العسرة ، لن يسعدنا في المسرة .
/
اما انت ايها المتبلد .
اترك عنك الهذرة بما لا تعلم .
ودس السم في العسل
واستمالة بعض النفوس الرقيقة
وسريعي الغضب والقرارات
واصحاب الفكر المحدود
وكن منصف واحترم المكان والاعضاء والقيادة.
/
ولعلمك كنت انا اول من دخل موضوعك.
ولم يعجبني مكانه ولا زمانه ولامحتواه.
فاتصلت بالفارس لكي استاذنه بنقل موضوعك الشرير .
ولكن الفارس كان اكثر رحمة وطيبة وتواضع واعادة.
وانظر ماذا جنى منك ؟ ومن اسلوبك الفض .
/
الله قد أمرنا بالكلام الطيب
والتأني والصبر وسعة البال
حتى تتبين الصورة
/
فلو كنت صادق في احساسك ومشاعرك وحبك للاقشر
لكنت ارسلت للإدارة والاستفسار.
واحترمت القرار واهل المكان .
ياهداك الله .
12-31-2025, 07:37 PM
..
العرض العادي
