انا مانسى اول ماتوظفت
البنت اللي علمتني الشغل
كان اسهل وامتع شرح ممكن اي شخص يتعلمه من كثر ماهو مبسط
وكان شفوي و بنص ساعه
وصرت خلال أسبوع فاهمه كل شي
وتقاعدت ماطولت
الله يذكرها بالخيرss2
وفيه بعد اللي مانساه
يوم غرقت شوارع منطقتنا من المطر
وبغيت اروح انا وسيارتي ههههه
جزاه اللي خير اللي ساعدني وطلعني ورفع السيارة ع الرصيف
لين جوو اخواني
وانتو اكيد لكم مواقف لاتنسى
واكيد الله يجزاهم خير كل من ساعد وفعل خيرss2
انا ما انسى ايام غرق جدة بالامطار
كنت اختبر بالجامعه
وجانا مطر مسكنا من الصباح لين الليل
وجوالي خلاص بيطفي شحنه
وانتظر اخوي يجيني مع السيول ماوصلني الا العشاء
ونزلت عند باب السكن حق الجامعه
ابغى اتصل ع اخوي واقوله انا عند الباب
طفى جوالي وطلعت ومالقيت اخوي
فزع لي رجل امن الله يستر عليه دنيا واخره
عطاني جواله
كلمت اخوي منه وجاء اخذني
ورحنا البيت
الله يسعده ويستر عليه وين ماكان
أحسنتِ أدمنت حبك سؤال جميل والحمدالله مازالت الدنيا بخير وأهل الخير إلى قيام الساعه والواحد يمر في حياته بمواقف يجد تصرفات طيبه من الآخرين تترك أثراً طويل الأمد فتذكره وتدعي له بالطبع مرت علي ... ولكن لا يذكرني الآن ولي عوده شكراً على روعة موضوعك إعجابي وتقيمي والإضافه 300 ودمتِ بهذا التألق والتميز
اهلا ادمنت
جميل موضوعك
لسه الدنيا بخير وفيه ناس طيبه ما شاء لله
ما انسى مره سافرت لوحدي
وكان عندي شنطه متوسطه فيها اغراضي الشخصية
ويوم اصعد السلم كان لازم اشيلها
وعندي وقتها التو الاوتار ملتهبه قلت ياربي كيف اسوي الحين
اصعد اول درج وكاني عجوز 80 سنه ههههههه
جاء واحد شالها ووصلها لمكانها
الله يجزاه خير اقسم بالله اني للحين اقول الله يجزاه خير ويكتب اجره
ما انسى هالمعروف
يسلمو ديمو
تذكرت
في مرة أخذت عُمره أنا وصديقي ومحرمين
وفي العوده ركبت السياره ومشيت
وحين أبعدت 30 كيلو وأدور على المحفظه ولا ألقاها
المشكله فيها حول عشر بطاقات مهمه غير الدراهم هههه
وانا بالطريق إتصل صديق لي محامي
قال ما أنت مضيع شيء قلت إيه محفظتي
قال هي إرجع خذها .
لقيها شخص باكستاني لقيها في موقف السياره
وعطاها كفيله وبحثوا عن رقمي ولقيوا كرت هالمحامي
وأتصلوا عليه ويارب لك الحمد
wwy
اخت ادمنت / يعطيك العافية ع الموضوع الرائع .
/
المواقف كثيرة ولله الحمد
ولكني سوف أعود بالزمن
للوراء وبالتحديد في سن السبع سنوات
عندما قدر الله ان اضيع في المنطقة
التي ولدت فيها ، وهى خميس مشيط .
باختصار / وف عمر السبع ، كنت ذات عصرية ، العب الدنينة مع ولد عمتي
والدنينة هى إحدى عجلات البسكليت أو السيكل
نلعب فيها بأن نعمل لها عصى ونسوقها في الحارة
وكان وقت العصر ، فيبدوا انني تعديت نطاق الحارة
وذهبت بعيداً دون اعلم ، جهة المزارع ، تاركاَ في ذهني أن ولد عمتي يتبعني
وعندما التفت فلم أجده .
ومن هنا بدأت المعاناة
لم اعد أستطيع العودة إلى البيت
ضيعت الطريق ،
ولكني مشيت في طريقي
طبعا الدنينة حذفتها ف الطريق
ولم يعد يهمني سوى العودة لإحضان امي وابي.
ومشيت ومشيت
وفي أثناء هذا المشي
مررت بمواقف كثيرة
اولها / قابلت اطفال ملاقيف يبغون يضربوني
ولكن الله نصرني عليهم .
ثانيا / شعرت بالجوع .
وفي الطريق كانت توجد امراءة تبيع الذرة المشوي
فذهبت اليها ناظراً إلى المشوي
دون ان اتكلم ، قالت لي هل تريد ذرة ؟
قلت نعم .
قال هل معك فلوس ؟.
قلت لا .
فطردتني بأسلوب قذر ( الله يسامحها)
تركتها غير مبالي .
وظللت امشي وامشي
حتى أظلم الليل
فذهبت إلى إحدى المنازل
وطرقت الباب، فخرجت الي امرأة مصرية
كأنها امامي الان ، وقالت ماذا تريد ؟
فلم اتكلم ، فكأنها لاحظت التعب والجوع .
قالت هل تريد تفاحة / قلت نعم .
فا دخلتني الدار واعطتني تفاحة الله يجزاها خير .
ولكن الموضوع لم ينتهي عند هذا الحد !
كان لهذه المرأة ابنه خبيثة
في عمري تقريبا ، طفله لكن ملعونة والدين
كانت ملقوفة ، كانت تريد اخذ التفاحة مني .
وانا اتحاشاها ، ولكنها بزقت في وجهي .
فاعطتيها كف على وجهها
فسمعت امها صراخ ابنتها
قالت هل ضربك ؟
قالت نعم
وتاخذني امها من اذني تقودني كالشاه ههههه
وترميني خارج الدار ههههههه
والله العظيم هذا ماحصل .
واخذت امشي وامشي على وين / لا أعلم
حتى وقفت في زاوية احدى البيوت
واذا بسيارة تقف امامي
وينزل منها رجل .
ويسألني هل اسمك ماجد ؟
قلت نعم .
وابوك اسمه سعيد .
قلت نعم .
قال / هيا هيا ابوك والعالم تدور عليك
وبالفعل
ركبت مع الرجال
حتى وصلنا بيتنا
الا العالم والشرطة والجيران
مستقبليني استقبال الفاتح هههههههه
طبعا الوالد كان زعلان وخايف و اخذ يخاصمني
ولكن عمي حماني منه ، وقال له بالحرف
انه طفل فلا تواخذه
ولكن الحقيقة
تقول انني كنت طفلا بقلب رجل
لم ابكي ولم اشتكي ولم اخاف.
فشكرا للمراءة التي أعطتني التفاحة ، وسامح الله ابنتها ملعونة الوالدين ههههههه استغفر الله .
والشكر الخالص لذلك الرجل الذي وجدني وانقذني
من الضياع .
والشكر الكبير لله الذي حماني من الناس .
وسلامتكم
/
اعتذر على الإطالة
ولكن موقف ذلك الرجل لم ولن انساه.
فالله اسأل ان كان قد مات بان يرحمه ويغفرله
وان كان حي بأن يمتعه بالصحة والعافية
ويجزاه خير .
ولو كنت أعلم مكانه لذهبت اليه خاص .
اهلا حبيبتي وموضوعك الشيق
روعه ماشاء الله احسنت الأختيار
.
كثير ناس فيهم الخير
والمواقف النبيلة كثيره
.
اذكر
مرة كنت مريضه حراره مرتفعه
وجارتي عندي تزورني..
جوناضيوف فجئه من بعيد
وما كنت جاهزه لهم
جارتي استلمت الضيافه كلها
وجهزت الغدا على اكمل وجه
وما قصرت معي ومع ضيوفنا
يجزاها كل خير
.
.
ادمنت يعطيك العافيه يا وردة تقييمي للموضوع الجميل المميز
.
وكل الحب
وباقة من الورد
واسعد الله اوقاتك
بكل خير
09-21-2025, 07:41 PM
العرض العادي
